انهارده للاسف حسيت انى مبقليش اى مكان مع اى حد
لقيت نفسى لوحدى ومش مرغوب فيا مع اى حد
حسيت بوحده اكتر واكتر قلت ياريتنى ما نزلت
ركبت الترام ونزلت الابراهيميه رحت جبت عروسه قلت هيا اكيد اللى هتسمعنى من غير ما تزهق
يمكن هيا اللى تحس بيا وتكلمنى
اهو بردو محاوله لحد يفهمنى يمكن هيا اللى تفهمنى
هيا لونها برتقانى وراسها كبيره اوى
المهم انا حبيتها اوى واكيد هتكون معايا على طول وجمبى دايما
ومش هتسبنى لوحدى ابدا ومش هتزعلنى ومش هتخلينى اعيت ولو عيت همسح دموعى فيها
هو انهارده كان متعب كمان عشان لقيت فيه ان مليش مكان مع حد خالص كل الناس تقريبا مليش مكان وسطهم
مش مشكله انا اشتريت العروسه دى مخصوص عشان محسش بالوحده عشان مبقاش فى حد فى الدنيا معايا كل اللى بيحبونى سافرو
واللى هنا مش عايزينى
يعنى مجبره اعيش لوحدى بين زكريات ناس حبتنى وسافرت وسابتنى وناس مليش مكان فى حياتهم
يعنى كدا كدا اسكندريه على جمالها وبحرها وسماها
بقت جميله وحزينه
مبقتش عايزه اروح عند المكتبه مش عايزه افتكر اى زكريات هناك
كل مكان فى اجمل بلد حبتها بئا بالنسبالى كابوس
شىء مفزع بيخلى عنيا تدمع من الحزن والوحده
اسكندريه والبحر وشوارعها على وسعها وزحمتها وانا ماشيه فيها مش شايفه ناس حاسه انى لوحدى
حاطه اديا فى جيوبى وماشيه عنيا بتبص على الناس والناس مش شيفانى
تاقريبا انا بقيت شبح ههههههههههههههههه
11 comments:
انتي موش لوحدك يانورا ومتحاوليش تكوني لوحدك وحتى لو زعلتي انتي عارفه قد ايه اني جنبك واكتر واحد بحاول اني اكون جنبك واخرجك من همك وكمان يانورا مين قلك انك بقيتي موش مرغوبة عند اللي بيحبوكي ازاي بتقولي كده ومين اللي اداكي الاحساس ده ؟؟ ليه انتي كده بتعاقبي نفسك وكمان بتعاقبي اللي حبوكي ودايما جنبك وحسو انو كل اللي عملوه ملوش لزمة عندك
ابقى فكرينى اوريكى عرايسى اللى
بجيبها فى الحالات اللى زى دى :)
بيتهيالى التعليق اللى قبلى بيقول ان فى حد بيدور عليكى ... ارمى اللى وجعينك وامسكى فى اللى بيدور عليكى ..
مكنت اعرق انك من اسكندرية :))
ابقى خلينا نشوفك مادام طلعنا جيران :)
خلى بالك من نفسك
مويا:بجد تعليقك دا فرحنى كتير انا بحبك من زمان من غير ما اعرفك شكرا ليكى بجد انك اهتميتى تشاركينى احساسى
انا سمعت عنك من احمد(بيانست)وكريم (جيفارا)وكنت بتمنى اشوفك بجد وياريت فعلا اشوفك طالما من اسكندريه
**********
black horse: حبيت بجد اشكرك على الميل اللى بعتهولى اخدت من وقتك عشان ترفع من نفسيتى ربنا يخليك برغم انو مكنش كومنت بس حبيت اشكرك هنا كمان عشان انت اهتميت وسالت فى وقت اللى يعرفونى بيسالو عليا لمجرد راحه ضمير
************
el2hwgi: انت بجد انسان جميل دايما بتسال عنى رغم انى ببعد وبرجع وببعد يعنى بس دايما بتسال عليا انت مش محتاج شكر ولو انى بقيت بخاف من الناس اللى بيسئلو عليا بحس ان فى وقت هيروحو هما كمان وهيسيبو جرح جوايا شكرا ليك
*********
mohamed: اه معلش يا محمد لسه فاهمه الدنيا كدا اصل عمرى محصلى الموقف دا ابدا طول عمر وحدتى بمزاجى انما عمرى ما جربت ان حد يستغل وحدتى او اكون فى حياتو لا شىء وانا معتقده انى حاجه عندو
**********2
Anonymous:من الواضح انك تعرفنى واكيد متاكد انى ضحيت عشان ناس تكون مبسوته فى وجودى وانى مش بعاقب نفسى على حاجه وان فعلا ناس كتير بعدت عنى وانى ش بيتهيئلى وشكرا على كلامك بس محبش حد يسال عليا لمجرد انو عايز يريح ضميرو انا مسمحه اى حد اتصرف كدا معايا كل انسان ليه عزر ومصلحتو اهم
انا مبلومش حد ولا زعلانه من حد الا نفسى لانى اتعشمت فى الناس وكنت متوهمه انى بسعدهم طلعت عبىء ومجرد شىء ملوش معنى
مش عارف أقول ايه
بس أنا كمان بقالي كتير من حوالي سنه نفسي أقول كده بس محدش هيسمع علشان ما بقاش في حد
أحترف الحزن و الأنتظار ... أغنية فيروز كانت ساعات بتواسيني .. بس برضه مافيش نهايه
انا من القاهره من شبرا باتمشي وحدي عالنيل و أضحك و أتفرج عالأتوبيس النهره و المراكب و أقول نفسي يبقي عندي لنش بس لوحدي ؟ ما ينفعش
كان في زمان اصحاب ساكنين هنا منهم اللي هاجر و منهم اللي أنشغل و منهم اللي مش عارف أي حاجه عنه
كتبت مره لواحد صاحبي هاجر الجمله دي
يا صديقي وداعا و هنيئا لك ما تمنيته انت كثيرا
ربما ستجمعنا الأيام مره أخري ... و لكن ستكون الانفعالات مصطنعه فلن تكون أنت و لن أكون أنا ... سنكون شخوص غريبة عنا و عن شقتي الصغيرة المتربة في مدينتك أو غرفتي القريبة من قلبي في مدينتي
سيجمعنا هذا المقهى القذر سنجلس لنستعرض معا ذكرياتنا و نضحك و اسلم عليك و تذهب و ادفع أنا الحساب كما كنت افعل دائما
ادفع الحساب من الأيام و من سعادتي راضيا قانعا انك وقتها ستكون كما أردت
و امضي أنا في دروبي صامتا بوجهي المنزوع ألابتسامه لاسب و العن اليوم الذي ولدت فيه صداقتنا التي ستمتعني ذكراها و تؤلمني انها انتهت
انها تلك الحياة البغيضة التي جئنا فيها دون ارادتنا لنتعذب و نقمع و نري القليل من أهوالها ثم نذهب منها أيضا دون ارادتنا
عذرا للأطاله لكن الأحساس عجبني أوي
هاني جورج
انتوك
ده يشرفنى يابنوته اننا نتقابل طبعا :) بس انتى اأمرى :))
Noora,
merci awi 3ala kalamik el ra2ee2 kal3ada…ana tab3an lazem as2al 3aleeki le2ani wana ba2ra kalamik ba2raki enti weba7es beeki…wefel post elli 2abl da…ana et2almt leeki w kaman 2ele2t 3aleeki…wettameni ana hafdal as2al 3aleeki we mosh haroo7 wala 7aga…ana aslan met3awed en el3aks howa elli beye7sal…lol
Ana mabsoot men el post elakheer da ma3 en el7ozn eldami lessa beydamma3 men khelal kol kelma feeh…bas kwayis ennik betetkalemi wemosh wakhda el mawkef el3ada2i men eldonya kollaha bel7edda elli kanet fel post elli 2ablo…
Gameela awi eloghneya elkalam welmazeeka feehom sedq elta3beer 3an i7sasik…w gameel ennik 3amalti 7aga…ennik nezelti wemsheeti west el naas…(7atta law 7assa enohom mosh shayfeenik :) ) w gameela el3aroosa…gameel en elwa7ed yerga3 lelsafaa2 wel salaam 7atta lawa mamzoog be7ozn w alam…
Ma3lesh law elwe7da heya hatkoon waneesik…maheya eldonya keda…welnaas keda…elwa7ed beyet3alem mayestanaash 7aga men 7ad..7atta el mawada… wesa3etha el2olayel yeb2a keteer le2ano gheer motawaqa3 aw monatazar… momken tekbari foo2 el27zaan we foo2 el 2alam we foo2 elnaas kollaha…welkebeer kebeer zay mabey2oolo..!
Sa3aat 3eshret elwa7ed ma3 el2alam tekoon ba2et qaweya ledareget enno yaftaqed elalam da law 7as belra7a..ka2ennaha ba2et 7aga b3eeda…ghareeba…bas howa da elli beyesher w beybayen ma3dan el2ensaan.. Wenti ma3danik ghaali..naqi…mafhoosh shawa2eb wala reyaa2…!!!
Mabrook 3aleeki 3aroostik..wensha2allah te3adi ba7r el2a7zaan wetebtesmi lel7ayaaa…akeed ibtesamtik 7elwa… :)
Aasef enni tawelt..!!
karakib:انت يمكن عجبك كلامى عشان حسيتو زى ما بتقول فى كلامك على اى حال اتعلمت خلاص انى متالمش وان اتالمت تكون صرختى جوايا
Moia: مويا الجميله الرقيقه بجد شكرا اوى وبتمنى بجد انك تكونى متابعه كلامى عشان تقرى ردى عشان انا دورت على البلوج بتاعك بس انتى اظاهر مسحنتيه وكنت عايزه ميلك عشان اكلمك بتمنى فعلا اقابلك
وبعد اذنك لحد ما اعرف ميلك ياريت تاخدى ميلى من البروفيل وتكلمينى
el2ahwagi :شكرا ليك على كلامك الرقيق ولو انو مش غريب انو يكون منك انت يلى بحس دايما روحك بمحوطانى فى كل كتاباتى
شكرا لدعمك ليا شكرا لوقفتك جمبى بكلامك
فعلا سعات الكلام بيكون ابلغ واحن من ايد بتلمس قلب مجروح
انا من طبعى انى قويه ادام كل الناس وعنيده مع الحياه وعمرى مقبلت الهزيمه
بس سعات الانكسار والضعف هما الشىء الوحيد اللى بيكون فاضل من عاصفه الزمن اللى عصفت بحياتى كتير
حتى لحظات الاستسلام مش من سمه شخصيتى بس سعات الاستسلام سلاح لهزيمه الياس
فلأخفض جناح اشرعه سفينتى الفضيه فى وجه الرياح القاسيه
وارواح اصدقائى تعانق وحدتى الازليه
اكيد هرجع نورا اللى قلبها على وحدتو قوى وضعفو استكانه حزن وصرختو آهه حنين
شكرا على دعمك ليا بكلماتك
nirfana : ياااااه كلمه اختك الكبيره دى جميله اوى انى احسها من انسانه متعرفنيش مجرد حاسه بيا وبتشاركنى احساسى بجد شكرا ليكى
بس متكبريش نفسك اوى كدا انا كبيره بردو فى السن مع ان شكلى متدهوش 17 سنه هههههههه
ابقى بصى فى البروفيل بتاعى وبلاش فضايح هههههههه
انا كويسه اكيد خلاص انا الحمد لله قويه رغم وحدتى والحزن
ومتعودتش حد يجرحنى وانا واثقه فيه انما انا مش بستسلم للحياه ابدا
فعلا اكيد هيجى يوم ان شاء الله وههرب فيه للشاطىء الاخر من عالمى
شكرا على تعبك واهتمامك بجد بيا ربنا يخليكى
تعرفي إني بزعل أوي إني مكنتش أعرفك في اوقات كنتى حزينه فيها كده؟؟؟
أنا حبيتك بجد...و نفسي كنت أبقى جنبك
Post a Comment