:إهداء إلى كلاً من الرسام الرائع الفنان حسنى سليمان والعازف الرائع القهوجى
إلى آلهه الجمال النائمه أتحدث
إلى شغف الحب وعشق قطرات المطر لأحتضان القمر أهمس
من وهج الشوق الثائر.. من أعين المحبين تكلمت أنامله الذهبيه
ترسم وتعزف على لوحاتها للقمر اشعه فضيه
ومن وحى جمال الأجساد النابضه بثوره الأنوثه الآخاذه الدافيه
ومن نظره عين بالفراق تبلل لوحاته بدمعه قاسيه
يرسم لنا اجساداً لنواميس الكون ظلت عاصيه
من عمق الدمع فى مقلتى العذارى ولمسات الرجوله لأجساد الصبايا
ومن مياه البحور.. واشجار الغابات..واسرار الحنايا
ومن انحناء الخصور المرمر.. وصبغه الوجوه بلونها الاسمر
رسم لوحات الحب والعشق وورود من خجلها يكسوها اللون الاحمر
---------- اهداء رقيق للفنان صاحب الفرشاه العاشقه حسنى سليمان بلوج (افنان الفنون)
-.-.-.-.-.-.-.-.-.-.-
وإلى العازف الملهم ذو الروح الرومانسيه بلوج القهوجى /
el2ahwagi)http://el2ahwagi.blogspot.com)
فى سحر عزفه موسيقى ترانيم الملائكه فى الجنه
تضاجع أنامله جنون اوتار آلاته فتصرخ من العشق وتئنَ
وتحمل الملائكه معزوفاته بأجنحه مخضبه بلون الحنِه
فبرغم البعد والغربه والحنين
وبرغم الشجن واغتراب الاوطان وماضِ من السنين
عزف لنا موسيقاه الساحره لتنزع من ارواحنا كل ألم دفين
-.-.-.-.-.-.-.-.-.-.-
ما كتبته مجرد احساس باشخاص اقل ما يقال عنهم مبدعين
مرهفى الاحساس فن ياخذ نفسى الى ما ابعد من السحاب وارق واعذ من قطرات الشتاء على جبين الزهر
الفيديو اخدتو من مدونه افنان الفنون لتكتمل الصوره الرائعه تلك ما رسمها بريشته المبدع حسنى سليمان
وداعب آ ذاننا بموسيقاه القهوجى صاحب الحس المرهف الرقيق
37 comments:
رغم عدم معرفتى بهم حتى الان الا انى سوف احاول ان اتعرف اليهم...والى مدوانتهم
تحياتى اليكى....
لتعريفى بهم...
شكرا على الرحلة الفنية الجميلة دي
أرق تحياتي
من عمق الدمع فى مقلتى العذارى ولمسات الرجوله لأجساد الصبايا
ايه يا بنتى الكلام الجامد دا
اسلوبك حتى مميز فى ارسال التحيه للمبدعين
انا و الله طول عمرى بقول ان البلد ديه مليانه مبدعين و فنانين بجد احسن الف مره من اللى دوشنا فى كل حته
تحياتى للفناين و المبدعين و لكى
بجد جميله اوى
واكثر من رائع
تحياتى ايضا للفنان حسنى سليمان
واحلى تحيا ليكى انتى
(:
نورا ايه ده ايه ده ..ربنا يخليكى لالالا خلاص انا كفاية عليا كده..كل الكلام الحلو ده فى رسمى لالا ..دا انتى كلامك هو اللى حلى الرسم بل هواحلى واجمل من اى رسم فى الدنيا الاحساس ده فوق كل احساس..انتى عارفه يانورا كلامك ده زاد فهمى لحاجة انا فهمها من زمان ولكن بالشكل ده عمرى ما خوضت مثل هذه التجربه.....انا الانسان لايبقى له الاعمله..احنا لاشفنا بعض ولا تعملنا مع بعض كل اللى عرفناه اعمال بعض والعمل الجميل ديما يلفت نظر الاخرين.....وبناء عليه لو كل واحد مننا اخلص فى عمله واجاده وكذلك مع الاخرين ...اظن لوحصل كده لازم الدنيا تتملى حب وود وما حدش فينا يشوف اى عيب فى اخيه.....نورا....فيه حاجة تانية تاكدت منه ان الفرق عمره ما يكون فى السن و لكن الفرق فى الفكر والاحساس..وعلى فكرة مرة تانية الفضل يرجع ليكى لانك انتى اللى دلتينى على فكرة السايت بتاعى الاغانى وكمان اخونا القهوجى اللى انا مفتقده باقالى يومين ....واخيرا اشكرك مرة تانية
اختشى الجميله
أيه الأبداع ده
كلماتك فى رقة حبات المطر
وبسمات الأطفال
تتهادى كلماتك فوق السطور
كالملائكه
أنا عن جد سعيده بها الحكى اللى عم بيقوله عقلك المبدع
تحياتى يا صديقة الأمواج
نورا معلش انا دخلت مرة تانية علشان اقلك انى شفت على البلوج بتاعك على اليمين فى السط المفتاح بتاع الريل بلاير الى بيشغل الموسيقى اول ما حد يخش على البلوج بتاعك..عايز اعرف انزل واحد زيه ازاى
يااااااااااااه
لوحة تجنن يا نورا
وكلماتك زادتها بريق
بجد انتوا التلاتة مبدعين
تحياتى ليكوا
همس الليل
اولا الاسم عا جبنى
وعا جبنى انك اسكندر انيه جا رتى
واحب بلد ليه
وعا جبنى النا س اللى اتكلمتى عنهم
مع انى معر فهمش ولكن ها رعفهم طبعا
تحيا تى
بصي بقي انا شفت المدونتين بس علقت عند القهوجي بس
بس الاتنين اروع من بعض
وانتي كمان رائعه
ايه الكلام الجامد دة يا بنتي
بجد مش مخلياني اعرف ارد
بس بصراحة كلا منهما يستحقان الكلام اللي قلتيه
كل مرة بتثبتيلي يا نورا انك رائعه بجد
aymen.farouk
*****************
تحياتى ليهم وليك انت كمان وبشكرك بجد على مشاركتك ليا ربنا يخليك
-----------------------------------
.:.-=- ELGaZaLy-=-.:.
**********************
هما فعلا فنهم يستحق المعرفه عن حق
فى مدونه القهوجى الموسيقى اللى تحت كل بوست من تاليفو
-----------------------------------
IBN BAHYA
*************
هي رحله فى اعماق الفن الرقيق الرومانسى
تحياتى ليك وللكلام الجامد اللى فى مدونتك النابضه
bagabigo
************
ههههههههه ابدا دا احساس االعذارى يا قمر
-----------------------------------
sherif gharib
***************
اهلا بيك يا اسكندرانى يا اصيل ربنا يخليك البلد دى مليانه جمال مغترب او مدفون
المهم ندور عليه
ربنا يخليك على رايك فى كتابتى
-----------------------------------
أجدع واحد في الشارع
********************
اخويا الجميل ربنا يخليك واتمنى تكون موجود دايما برايك الجميل
hosnysoliman
**************
اقل ما يوصف بيه رسمك ما خط به قلمى الصغير امام رقه وعذوبه رسمك
انا اعجبت بلوحاتك فاخدنى الاعجاب للابحار فى عالمه وعز عليا ان يبقى محبى الفن بعيدا عن رقه لوحاتك
فكل الكنوز فى جمعها لذه الا كنز الفن فى اشاعته قمه اللذه
ولا فروق السن ولا بعد الاوطان له علاقه بحب الافنان
اشكرك على اتاحه الفرصه لرؤيه فن جميل
Aoossa
********
اوسه البنوته القمر الحزن المغلف بحبات السكر
ربنا يخليكى الكلام دا ليا انا ههههههههه
ربنا يخليكى بس فنهم اثرنى
sofinqoraso
*************
بشكرك اوى ذلك كان بريق الاعجاب
-------------------------------
الجحيم هو الحقيقه
*****************
ربنا يخليك ان الاسم عجبك ولو انى بفكر اغيرو لأمواج ثائره مش عارفه هيكون احسن ولا لاءه ابقى قولى رايك ايه
انا مكنتش اعرف انك جارى من اسكندريه بردو
اهلا بيك يا اسكندرانى انا بصراحه متعصبه اوى للبلد الجميله دى بلدى وبحرها بتاعى
فرصه جميله انى عرفتك
اهلا بيك مره تانيه
smraa alnil
*************
الرقيقه سمراء انجى حبيبتى ربنا يخليكى دا انتى اللى رائعه وحزنك له بريق ياخذ القلب
انتى بتدخلى للقهوجى انا عارفه هو فعلا جميل ويستحق اى كلمه جميله فعلا يستحقها
وسلميلى على اخوكى يا انجى وسبيلى جاتوه بعيد عن الزحمه هههههههه
تورا...الرقيقه...
استوقفت كل كلمات الارض امام عيني...
فاستحوا خجلا... و احمرت وجناتهن...
وركضن لا يكسوهم سوي حيرة و هم...
فقد سقطت عنهن ارديه فتشن فيها عن مفردات عذبه.. وددت لو كانت مخبأه في نعومة اجسادهن..
فانصرفنا لربة انهار الشهد العارمه...
لعلها تفدي لغات العالم بكلمات معسوله من غضب ثائر...
فها أنا آتيك خاوي اليدين...
سوي من سقطن عاجزات عن مضاهات امتناني سوي بصرخة السكات ..
أنا فعلا عجزت اني الاقي اي كلام اعبر بيه عن شكري و امتناني وتقديري لعذوبة موقفك و رقة احاسيسك...
مش هاقول غير ان انت قلبك جميل..
انت فنانه بترسمي بالقلم..الجمال
والتوهج اللي مالي قلبك و كيانك كله...بتجسدي بيه اجمل اللوحات المفعمه بالحياه ...
زدت من جمال لوحات الفنان المبدع بظلال و الوان من كلماتك جعلتها حيه امامي تغمرني بكل تمرد الحس العاشق للجمال الصارخ بان يؤخذ بفوران حرمانه طوال سنين الصمت
...
وانت عازفه لك انامل تداعب اوتار عشقنا لجنة رسمتي ادق تفاصيلها لنا...وجعلت من قلمك ساحرا يخطف نفوسنا ويلقينا في احضان صدور اهتزت لانغام تمطر علي نعومتهم ولهها بالعناق...
كلماتك لألئ ساحره بيزيد جمالها كل مانرجع و نقراها تاني وده عشان حيه نابضه بالصدق و لها بريق يأخذ الالباب...
شكرا و تحيه للصديق ذو الريشه الخلاقه حسني سليمان....
********************************
"
يرسم لنا اجساداً لنواميس الكون ظلت عاصيه
"
قد ايه التعبير رائع
....
كانه نحت دبت في معانيه الحياه تعصف به و بنا
********************************
اما الكليب..فاختيارك و الاخ حسني له فرائع... انا حبيت الاغنيه و الفيلم اكتر من الاول...
اشكزك كمان مره يا اجمل همسه
مش همس ارد اقول بعد الكلام الجميل دة
بصراحة ابداع
تحياتى
اسلوبك راااااااائع بجد عمرى ما قريت تشبيهات و محسنات ابداعية زى اللى انتى كتباه
ما شاء الله
همس الله
الاسم روعه
روعه
روعه
لو سمحتى اوعى تغيريه
الاسم فيه صيغه تا ئهه
حا جه حنينه
الواحد بيحس فيه بالدفء
لو غيرتيه
لعو اصف
مش دا خل
قصدى ريا ح ثا ئره
ههههههه
تحيا تى
اسف
همس الليل
ايه الهرتله دى على المسا اسف
امممممممممممم
aymen.farouk
***************
ربنا يخليك انك معجب بالبلوج بتاعى اتمنى دايما تشاركنى برايك وتعليقك على كلامى البسيط
الجحيم هو الحقيقه
*****************
ولايهمك يا عم جحيم كفايه دفى نارك ههههههههه
بعدين انت خلاص بقيت حصانه انت اسكندرانى يعنى مش هزعل منك وعموما انا باخد رايك عشان اعمل بيه
اوكى همس الليل مش هغيرو هههههههه
ولا يهمك هرتل يا عم براحتك بيتك ومطرحك يا جارى العزيز
tamer
*********
ازيك يا تامر ربنا يخليك على رايك
ومدونتك المخيفه والنبى متقلش العيار احسن انا بجد اعصابى بتتعب من الحجات دى
---------------------------------
Ma-3lina
*********
ربنا يخليكى بس هو مش موضوع محسنات بديعيه وتشبيهات وكدا هو احساس بلاقى الكلام بيطلع منى زى ما هو كدا انا مش دارسه لغه عربيه انا بكتب كدا بالفطره بصراحه
el2ahwagi
*************
كتبت الكلام دا فى الاساس لانى كنت كل ما ادخل مدونتك بحس بشىء من الالفه واحساس بانى عايشه فى قصه من قصص الاساطير خاصه مع موسيقتك
من غير مبالغه موسيقتك عجبتنى كتير
وكتبت الكلام بعفويه اوى عشان يعبر عن اعجابى بموسيقتك
وزى ما قلت للفنان حسنى سليمان
ان الفن مش انانيه فحبيت كل الناس تسمع موسيقتك
حبيت كل الناس تشاركنى شعور المتعه اللى بحسها لما بسمع موسيقى زى دى وياترى هيعيشو نفس الحاله اللى بحسها وانا بسمعلك
للمره التانيه بقولك اقل ما توصف بيه هو اللى كتبتو ولو كنت املك كلام يضاهى رقتك كنت كتبت
el2ahwagi
***********
اه نسيت اقولك ان كلامك فى حد ذاتو انا اعتز بيه وفى نظرى انت اللى مدحتنى فى كلام انا بجد اقل منو
انا مجرد بكتب كلام بيعبر عن حقيقه انما معرفش اعزف موسيقى او ألف قطعه زى الاخيره اللى انت مألفها
انت مبدع حقيقى
وشكرا على كلامك اللىى شايفه انى مستحقوش لانى مكتبتش غير احساسى بصدق
عين القطه الجميله..معلش انا مشغول فى شوية رسومات كده بمجرد ما خلصها باذن الله حاعمل مدونة اخرى..شفتى انا نزلت مفتاح الريل الفضل يرجع للاستاذ ايمن الله يكرمه ساعدنى فى الموضوع ده وكان كريم جدا معى..انا بعت ليكى الكليب ده علشان لو عجبك عايز اسمعه مع كلام تحت منه تكونى انتى كتابه ده اذا مشى مع مزاجك ..اذا كان عندك وقت
بجد اكثر من رائع تحيايتى للفنان حسنى سليمان
تمنياتى بالتوفيق
ملك المصرية
hosnysoliman
***************
جميل الكليب اللى بعتهولى رومانسى ولو ان كان ينقصو صوت الرائعه فيروز
موضوع انى اكتب عليه حاجه دى مش عارفه اليومين دول مش مبسوته من حالى ولا الحياه ومش عارفه هعرف اكتب ولا لاء
عموما شرفتنى زيارتك
ووالله اتبست لما دخلت ولقيتك حاطط الريل بلير انا للاسف مش بعرف اشرح انا كان نفسى اساعدك بعتلك اللينك بس معرفتش اشرح كويس
بس كتر خيرو ايمن انو ساعدك وقدر يوصلك المعلومه اكتر منى
Malk Almasria
**************
شرفتنى زيارتك الاولى وان شاء الله متكونش الاخيره
وربنا يخليكى على الكلام الرقيق الى قولتيه
الفيديو يهوس على فكرة
واختيار الاغنية رهيب
ده غير الكلام
كلة على بعضه حلو
شكرا على انك عرفتينا على ناس مبدعة زي دي
الفيديو حلو جدا
تحياتي
معلش يا نورا أنى اتأخرت فى الرد عليكى... ربنا عالم أنا معكوكة فى الامتحانات قد ايه
بجد مش عارفة أعلق على ايه ولا ايه؟!! على كلامك الرقيق ولا لوحات الأستاذ حسنى الرائعة ولا على موسيقى القهوجى التحفة دى!! بجد البوست جميل أوى
تسلم أيدك يا نورا
وتحياتى ليكم انتوا التلاتة
:)
manal
elkamhawi
*************
ربنا يخليك على كلامك انا كمان الفيديو عجبنى اوى عشان كدا حطيتو
----------------------------------
tamer afify
**************
اخيرا تامر الفنان موجود عندى اهلا بيك
والناس دى انا شوفتها تستحق تحياتى ليك وكفايه غيبه بئا وارجع اكتب تانى
-----------------------------------
albida
*********
ازيك يا منال ربنا يوفقك يار ب فى امتحناتك ان شاء الله ربنا معاكى
وتسلمى انتى على رقتك
يا اخوانى غيروا بأه الشعر ده
مفيش حد يغلط ويحط طقطوقه لعدويه ولا لبدريه السيد
انا جاى اسلم وخلاص
نورا
اقل ما يقال انك انتى باختيارك الموسيقى مع الslide
مع الكلمات انتى مبدعه ثالثة تستحقين اهداء أعظم
Post a Comment