قد عاهدتك ربى أن لا اعـــــــــــــــــــــــــــود
وها أنذا أخــــــــــون الوعـــــــــــــــــــــــــــود
بينى وبينك جسر عامر ضاع مع العهــــــــــود
ربى اخطأت فلا تتركنى فى هذا الوجــــــــــود
صدرى من ذنوبى يضيق وماله الا الصعــــود
أدعوك وأبكى فى ركوع وسجـــــــــــــــــــــود
إن لم تغفر لروحى ستصل إلى طريق مســدود
أعرف إنك لن تتركنى إلا فى جنه الخـــــــــلود
48 comments:
نورا ازيك
جميلة وقفتك مع النفس
ولابد منها
تحياتي
تامر الفنان
دا اول تعليق يوصلى على البوست دا
بينى وبينك انا كتبتو عشان بعيش حاله من الضياع بينى وبين ربنا
ورغبه فى البكاء على اعتابو
يمكن البوست دا لا يحتمل التعليق لانها علاقه خاصه بينى وبين ربنا
بس لعلها تلمس اى نفس تتمنى الخلاص
شكرا ليك بجد يا تامر
ازيك يا نورا....
جميل العشم بيننا وبين ربنا...
هو الأكبر.....
بنغلط ونبعد....
بنرجع بايمان انه فاتح لنا الابواب....
لاننا منه.... و هو لن يتركنا...
ارجو انك تكوني بخير...
و اتمني لك السلام مع النفس..
el2ahwagi
**********
فعلا هو عشم بينى وبين ربنا انو يرحمنى من تعب الحياه ووجعها
فقد بلغت روحى مبلغها من التعب
اتمنى حاله من السلام مع النفس ولكن دائما روحى فى حاله ثوره
همس الليل
كلنا هذا الر جل
اللهم ادخلنا جنتك يا رب ولا تؤ اخذنا بالذنوب الفظيعه وارحمنا برحمتك الوسيعه انك انت ولى ذلك والقا در عليه
اللهم امين
الجحيم هو الحقيقه
*****************
اللهم آمين
قلقان عليكي
...
بس واثق ان ربنا معاكي ان شاءالله...
متقلقش يا صديقى
فلقد اعتادت نفسى على لومها لنفسها وشعورها بالذمب دائما تجاه الماضى
بس حقيقى شعورى ان لو ربنا رحمنى واخدنى عندو فى السما هكون اسعد كتير
فعلا نفسى تعبت اوىىىىىى من الناس والدنيا
لا الله الا الله...انا مش عارفك للاسف ولا عارف اية المشاكل الى ممكن
تكونى بتمرى بيها...لكنى واثق انها خير ان شاء الله,,,
ربنا عندة الخير دايما..صدقينى
انا هانزل اصلى الفجر دلوقتى وادعيلك..وربنا يستجاب ويكشف عنك الكرب...
.:.-=- ELGaZaLy-=-.:.
*************************
مش عارفه اقول ايه بجد بس مجرد دعوتك فهيا بجد اكبر مكسب ليا فى الدنيا
ناس متعرفنيش تدعيلى انا ربنا بيحبنى الحمد لله
دى اشاره من ربنا انو مش غضبان عليا لما حد يدعيلى بظهر الغيب
ربنا يخليك على دعوتك ليا وافتكارك لحد متعرفوش
صباح الخير......
ارجو انك تكوني نايمه بهناء...
او احسن انشاء الله...
اتمني ذلك......
el2ahwagi
***********
صباح النور
ربنا يخليك على سؤالك بس انا صاحيه مش جيلى نوم لحد دلوقتى
نورا بجد قلقتينى عليكى لأنى مجربه شعورك دا ووحياة اغلى حاجة عندك ما تستلميش لأحساسك بالذنب اقوى بسرعة و انا الله غفور رحيم و ربنا معاكى
احتاج اليك ياربي .. ساعدني يا الله .. فانا اضعف من ان اقف امام الدنيا .. وكثيرا ما تاخذني ملذات الحياة .. احتاج اليك يا ربي .. ومن غيرك لي لاحتاجه .. اخطأ واعود اليك .. سامحني يا كريم
كلنا كده:)
حلو قوي
bagabigo
**********
متقلقيش عليا يا قطتى ان شاء الله هكون بخير
-----------------------------------
LAMIA MAHMOUD
*****************
ربنا معانا كلنا يا لميا اهو كلام كتبتو فى الى حسيتو
ارجو انك تكوني احسن دلوقت......
ربنا معاكي.....
rabna m3aky
A
عندك حق والله يا نورا!! لو كان الواحد منا خلف وعده مع انسان زيه بنفس عدد المرات اللى خلفنا فيها وعدنا لربنا, كان زمان الانسان ده قتله من زمان... بس نقول ايه؟ ربنا رحيم وكريم وغفور أوى أوى أوى.. وده اللى بيزيد شعورى بالعجز والتقصير.. يعنى يبقى بيعمل معايا ده كله ويسامحنى فى ده كله وأنا مقصرة معاه كده؟ بجد ببقى عايزة اعيط
معاكى فى كل كلمة قلتيها يا جميل وربنا يرضى علينا كلنا ونقدر نقرب منه كمام وكمان
manal
نورا
:'(
ياريت كلنا نقف مع نفسنا ونرجع لربنا
لحسن انا تعبت وي برضه
ونفسي ارتاح
وعارفة ان راحتي في رضا ربنا ليا
لا تقنطوا من رحمة الله
وانا متأكدة ان ربنا بيحبني ومش هيسيبني كدة تايهة
بس هو عايزني انا اللي اجيلوا
بس الشيطان عملان يعرقلني عشان مش اروح
يارب تديني القوة عشان اتغلب علي الاحساس دة
نورا...
يا تري اخبارك ايه دلوقت...
اتمني تكوني احسن
...
من فضلك متحمليش نفسك اكثر مما في وسعها ...
ايمانك خليه قوي بربنا لان الايمان ده هو هيديك ثقه في رحمته ويرجعلك بسمه اتمني اشوفها...
تعرفي ساعات لما تجيلي فكره لحن صغيره...باسجلها علي الكمبيوتر و اسييفها باسم عاده الشهر والسنه اللي انا فيها...او اسميها فكره او كده...
اول امبارح عملت كده ...بس المره دي لما جيت اكتب اسم الفايل..لقيتني باكتب اسم جميل...
همس..الليل...
امبارح وانا باقرا الاسم دعتلك بابتسامه..سكينه و صفاء...
ربنا معاكي....
و صباح الخير يا همسه
!!...
همـس الليل
يعنى معنى كده ان الاسكندريه هتصبح خاليه من المخدرات والافيون؟؟
والشباب بتوع جبل نعسه مش هيلاقوا اللى يينافسهم فى سيدى بشر ؟؟؟
هههههههههههههههههههههههههه
ان شاء الله ربنا كريم....
اجمل حاجة فى الدنيا ان الواحد يكون له وقفة مع نفسه
حتى لو اكتشف حاجات وحشة كتير عملها وده اللى بيحصل دايماً
بس برضه بنحس براحة كبيرة
el2ahwagi
***********
بشكرك على اى كلمه قلتها واى اهتمام باين من كلامك ليا بجد شكرا
واسفه على اى لحظه قلق سببتهالك بجد مقصدتش
ربنا يخليك على دعوتك ليا
وجميل ان تفتكرنى على اسم فايل لموسيقى تخصك بجد شكرا ليك على كل الاهتمام اللى حوطتنى بيه من ساعه ما عرفتك لحد اللحظه دى
واسفه على كل لحظات الحزن اللى عيشتك فيها
بجد صديق حقيقى انت يا قهوه
albida
**********
فعلا يا منال لو كنا بنعمل كدا مع اشخاص مكنش حد اتحملنا
وبتمنى من ربنا فعلا يرحمنا ان شاء الله
-----------------------------------
smraa alnil
***************
رفيقه احزانى وقعات النفس مؤلمه اوى
لو وقعتنا فى الحياه هنحاول نقاوم ونقوم
انما مع ربنا بتوجع اوىىىىىىىى
-----------------------------------
sofinqoraso
*************
اكيد برغم الالم اللى بنحس فيه مع تقصيرنا بس اكيد هنوصل للراحه يارب وصولنا يكون سريع اوى على سرعه رحمه ربنا بينا
we all live this state when we wanna forgivness we rabna yhdinia
el donia bet7'dona awii 3an el main reson of our life we hia 3ebadet rabna
ur poem as usual mash alah gamila
المهــــاجر المصـــــــرى
*************************
رأفت اخويا وصديقى المسخره ههههههههه
برغم حالتى النفسيه بس مبسوته كتير بسؤالك عليا ومن غير تسييح اهو
وانا يا عم مليش دعوه بجبل ناعسه انا اخرى سيدى بشر ههههههههه
ربنا يرجعك بالسلامه
Ma-3lina
***********
ما علينا حاسه ان قلبك صافى مش عارفه ليه
بس فعلا بنسى هدف وجودنا فى الحياه بس بنحاول نجتهد ونرجع تانى ان شاء الله
ربنا يخليكى
همــس الليل
انت بتقولى انك حاسه ان ما علينا قلبها ايه لا مؤاخذه؟؟؟؟
صافى؟؟؟؟؟؟؟؟
ازاي يعنى؟؟؟ افهم؟؟
طاب اماره؟؟
وعلى النعمه مخدوعه مخدوعه يا ولدى
المهاجر المصرى
*************
بص بئا اطلع منها انت يا رافت بعدين خاف على نفسك انت راجع مصر قريب وسايب امريكا يعنى محدش هينفعك هنا لو اتفرمت
بعدين ما علينا) طيبه وانا احساسى ميكدبش
بالعافيه بئا وبالعند فيك
اه صاافى و نقى و بدون كوليسترول كمان
البنت شاعرة و حساسة و بتعرف تقرا اللى جوا الناس
ربنا يخليكى يا همس
رورو:
اطلع انت منها يا بتاع اللوفر
الله ينتقم منكم انتوا الجوز
انتوا الاثنين دلوقتى حساسين وبتفهموا
وعلى النعمه لا اولع فى البلوج ده
المهاجر المصرى
***************
مبلاش انت تولع فى البلوج ولا جيبلنا ولعه من جهنم معاك هههههههههههه
وبعدين ما علينا بجد طيبه ورقيقه اوىىىىىىىى
انت بس اللى مش بتشوف
ومن جهنم ليه..دا انا صاحبى حبيبى
الجحيم هو الحقيقه..وعلى النعمه لاخليها يحرقه هولكم بجاز
وانت وما علينا خلاص بأيتوا حبايب
ربنا يهنى سعيد بسعيده
ماتجوش تعيطوا لى لما تقطعوا شعر بعض
ربنا يخليكى ليا بجد هيا دى الناس اللى بتفهم
سيبك منه هوه بق على الفاضى و لا هيولع و لا حاجة
المهاجر المصرى
**************
روح بئا عشان ميدوروش عليك فى شوارع نيويورك
وبعدين انت عمال تدخل النا معاك بالعافيه
على فكره الجحيم هو القيقه انسان رومانسى وحساس على فكره
يعنى شكلو هيولع فيك انت هههههههههههه
وبعدين ماعلينا رقيقه متعرفش العدوانيه بتاعتك دى
Ma-3lina
************
انتى كمان عرفتى ان رافت بق ههههههههههه
اتفضحت يار رافت اهو على البلوجات
متزعلش منى يا رافت يعنى اهو كلمه الحق اتقالت
معلش يا جماعة... هاقطع الخناقة الحلوة دى عليكم وهاسألكم سؤال غبى
هو ايه جبل ناعسه ده؟
أصل أنا بروح اسكندرية من قبل ما اتولد وعمرى ما سمعت عنه قبل كده... هو حاجة وحشة يعنى ولا ايه؟
جاوبولى السؤال ده وكملوا الخناقة براحتكم عادى
:) :)
manal
نورا...
شكرا علي الكلام الرقيق اوي زيك ....
و متعتزريش ابدا ...عادي يعني احنا عندنا كام نورا ... او كام همسه جميله...
ده الهوا اللي حواليكي لازم يقلق ....
انا حاسس ان ربنا اهو بيفرجها انشاءالله ..
المهم انا اصلا جاي عشان اقولك...
صباح الخير ...!!!
تورا بقولك ايه سيبك من الواد رأفت دة لحسن دة والله فنجري بق
عالفاضي
وبعدين يا رأفت انت ناسي ان الجحيم بيحب الايام دي يعني مش هيولع في حاة غير حبيبته او فيك
هههههههه
طب تصدق بقي ان انت مش بتفهم
عشان ما علينا دي والله ارق بنت وطيبة اوي وحنينة اوي
ونورا دي رفيقة احزاني زي ما قلت
اطلع انت منها بقي لاجي اولع فيك انا
يااااااااااااه
ده الواحد بعيد قوى عن حق ربنا
بجد اشكرك جدا على البوست ده لانى بجد كنت محتاج انى اقرب اكتر منه لانى حاسس انى مضيع حقه كتير قوى
الواحد حاسس انه من كتر ذنوبه بقى شايل جبل من الهموم على كتفه
فكلما اخطأنا حقا فى عمرنا
تحياتى
نورا
صباح الخير ...!!!
ازيك
ارجو
ان
تكوني
بخير
سلامتك
albida
************
يا ستى جبل ناعسه دا مكان وحش بيكون فيه الاولاد الوحشين لما تكبرى هقولك عليهم اللى بيبيعو المخضروات اللى بتعمل دماغ
يعنى شويه بسله على ملوخيه خضرا ناشفه ههههههههه
لا دا اشهر مكان فى اسكندريه لبيع المخدرات
وواضح انك مش من اسكندريه تقريبا انتى من مصر صح
el2ahwagi
**************
والله انا اللى بعتز خجلا من حزنى اللى كل شويه
وربنا يخليك على زوقك واهتمامك دا كلو
انا لو ليا اخ بيخاف عليا مش هيهتم بيا للدرجه دى
انت فعلا صديق انا بعتز بيه جداااااا
وليك مكانه خاصه عندى
وبتأثرنى دايما كل شىء رقيق بتكتبو او موسيقى بتعزفها
بجد مش عارفه اقولك ايه ولا ايه على كل اللى قلتلو عشانى ربنا يخليك
smraa alnil
*************
يا انجى يا حبيبه قلبى هههههههه
كلنا عارفين ان رافت واد بق كبير كمان
بس نعمل ايه بئا حكم القوى واخد البلوجرز كلهم بالدراع
دا واحد الكومنتات عندو ماشاء الله انا مش بحسد انا بقر بس اكتر من 300 كومنت
يعنى عامل فيها بلطجى بلوجرات
ملناش دعوه بيه يا ستى هو مسيرو هيولع فى روحو من نفسو ههههههههههه
ويكتب فاعل خير
sherif gharib
**************
الحمد لله انو خلى لحزنى معنى ان انسان يحاول يراجع نفسو ويقرب من ربنا
بجد الحمد لله
-----------------------------------
cigara...
************
يا ارق سيجاره شكرا على سؤالك عليا بجد انتى رقيقه اوى برغم تمردك الا انى فهمه شخصيتك وحساكى
انسانه مرهفه اوى برغم جنانك بس انا بحب الجنان دا اوى
كلامك حلو أوي يا همس...و يمس القلب...كل مرة بقرالك بوست جديد باخد واحد من القديم معايا...لأني عايزة أقرا كلامك كله
Post a Comment