?!!...tag

شكرا بجد ليكى يا لميا بعتتلى تاج واول مره اعمل تاج من ساعه ما عملت مدونتى

يارب ما تزهقو منى يلا اقرو بالشفا بئا هههههههههههه

تنبيه

اى حد عندو المراره والضغط ميقراش هههههههههههههه

اية اللي حيحصل لايميلك لما تموت ؟

مش عارفه بس اكيد هيتقفل وخلاص على كدا راح الميل زى ما راحت نورا ههههه
اديت الباس وورد لحد قبل كده؟

ممممم للاسف أه

غلطه عمرى
لو اه كانت طبيعةعلاقتك بيه اية؟

اصدقاء

بس طبعا فى الاخر عرفت ان الباس ورد مينفعش يكون مع مخلوق

عشان الصراحه فى البلد دى جريمه

اسمك؟

الاسم كلو يعنى ولقب العيله ولا ايه النظام

انا حساه محضر مش تاج هههههههه

عموما اسمى نورا
اسم الدلع المشهور في وسط اصحابك؟

مش لما يكون عندى اصحاب الاول

مكنش عندى الا صحبه واحده وسافرت بس اظن ان معظم الناس لما تحب تدلعنى تقولى مرمر او قطه ومعرفش ليه بردو
عمرك؟

ههههههه انا تقريبا اول واحده اكون صادقه فى عمرى كدا فى البنات

انا عندى 27 سنه وبقول عادى عشان شكلى ميديش اكتر من 20 سنه بالكتير

يوم ما احس ان شكلى كبر ساعتها هبقى اكدب ههههه

برجك؟

برج الحوت

وطبعا مش محتاجه اقول برج الحوت بالنسبه للبنات ايه اقرو صفات البرج وانتو تعرفو ; )
مجالك او مجال دراستك ؟

طالبه فى كليه تجاره شعبه محاسبه

وفى سنه رابعه

ومش عايزه اخلص

ومحدش يسألنى ليه ههههههه
شخصيتك نوعها اية؟

تقريبا شخصيه مكعبله كدا يعنى شخصيه مزدوجه سعات مع ربنا اوى وسعات بعيد اوى

عصبيه بجنون

حنينه على اى حد ضعيف او محتاجنى

السفر بالنسبة لك؟

حلم حياتى للحريه وان شاء الله هسافر قريب تقريبا هيكون على الصيف الجاى بإذن الله بس مش هيكون سفر البلد اللى بتمناها للاسف
المود بتاعك؟

متقلبه مزاجيه صامته فى وحدتى اجتماعيه ومتكلمه وسط الناس لو كنت محور كلام او لو حد طلب منى انى اقوم بضيافه حد
وقت فراغك بتعمل فيه اية؟

انام على سريرى وابص للسقف عندى نجوم بتنور فوق ههههههه

وطول الوقت بابا بيتخانق معايا عشان ببص على السقف مش عارفه مزعلوة فى ايه السقف ههههههههه

راجل غريب بصراحه بس ما علينا
الاكلة المفضلة؟

السمك بحب السمك اوىىىىى

اى نوع وخصوصا الكابوريا والجمبرى

ورز الصياديه الاصفر دا ههههههههه
الصفات اللي خدتها من بابا؟

يووووووو للاسف انى اخدت منو كتيييييير اوى

الجنون

الاكتئاب

العصبيه

القسوه على نفسى وعلى الناس اللى بحبها

الحده فى الطباع لما اتنرفز ودى بسهوله اوى انى اتنرفز

الشخصيه القياديه والتسلط (زهقت اخواتى تسلط مع انى مش الكبيره فيهم)بس

حب ربنا ومحاسبه نفسى على اخطائى بشكل هستيرى ومؤلم اقرب للمازوخيه وتعذيب النفس على اقل غلطه ومع ذلك بغلط بردو

عموما اى صفه بكرها فى نفسى اكيد منو
الصفات اللي خدتها من ماما؟

الطيبه

الحزم فى الوقت المناسب

العباده وانى احافظ عليها مهما حسيت نفسى مقصره

التسامح

وبحاول اتعلم الصبر منها عشان هيا عندها صبر بجد سبحان الله

مره زمان قلتلها انتى عارفه انا لو مكانك واتجوزت بابا كنت اول يوم هروح حته من اتنين

السجن عشان هقتلو

يا أما مستشفى المجانين عشان هجن منو

اكتر 6 حاجات بتكرهها؟

1- بابا

2-الكدب

3-الشراب ابو صوابع ( بابا حب يدايقنى جبلى منهم كتير عشان عارف انى عصبيه وبتنرفز بسرعه وكل ما البس واحد يخنقنى يا اقطع صوابعى يا اما اقطعهم )

مش عارفه الراجل دا مستقصدنى هههههههه

4-الراجل بتاع وصله النت عشان بيفصل النت عليا والناس بتفكرنى حلقتلهم واقعد اتاسف كل ما ادخل من تانى

يا اما اعيد اللى كنت بكتب فيه تانى وبعدين الوحل مش بينزل عليا كل شويه ههههههه

5-التوك توك

ودا للغير مقيمين فى مصر عباره عن شىء غريب كدا تقريبا بواقى عربيات هههههههههه

مش عارفه والله حاجه شبه الموتوسيكل بس نفش فى الرده او عربيه اتسخطت صغيره كدا بيمشى على 3 عجلات نوع من المواصلات الخبيثه منتشره فى شوارع اسكندريه

بحس انو بيجرى عامل زى الدبان كدا فى مره هنزل الشارع وانشن عليهم بالمسدس واقتلهم

وطبعا لان بابا انسان سودوى فهو عندو مسدس فى البيت معرفش ليه بس هو انسان سادى يعنى وانا طلعالو لما اتنرفز ممكن استخدم المسدس دا فى يوم

6-اخيرا بكره نفسى عشان زهقتنى واكيد اتخنقتو منى ههههههههه
اكتر 6 حاجات بتحبها؟

1-ربنا

2-ماما

3-اخواتى بحبهم اوى اوى

4-عمر حبيب قلبى غالى وابن اختى الغاليه

5-البحر

6-بحب انزل اشترى اى حاجه خضار هدوم مكياج اى حاجه بحب الشرا كتير

اخواتى دايما يخدونى عاهم انقلهم حجاتهم واشترلهم

الشغل بالنسبة لك؟

اولا مجربتوش غير انى مش بحب اشتغل اصلا ودا بابا الله يسامحو بئا عودنى ان البنت متنزلش تشتغل الا لما ابوها يموت ههههههه

بينى وبينكو لو دا هيريحنى منو اتمنى اشتغل يمكن تتحقق النبؤه وربنا يفتكرو هههههههههه

بس انا مش بحب الشغل بحسو بيخنقنى مواعيد وتحكم انا مش اخده على ان حد يقولى اوامر بتخنق
اية الكومبيوتر والانترنت بالنسبة لك؟

الكمبيوتر هو شباك على العالم الخارجى ليا بجد كل الناس اللى بتواصل معاهم فى النت مش بعتبرهم ناس وكلام وخلاص

انا بهتبرهم اهلى عيلتى التانيه اللى بحبها اوىىىىىىىىى

كل الناس اللى بكلمها بجد حساهم وبتخيلهم وبكون مستنيه الليل يجى عشان اقعد واكلمهم

النت تقريبا حياتى بحريه مطلقه
عايزيني امرر التاج دلوقتي لحد

مممممممم بعد ما صدعتكو هههههههههه

احب حد غيرى يحكى عن نفسو ويصدعكو بئا هههههههههههه

1-القهوجى

2-الكنبه حمرا

3-بهظ

4-ابيى

5-سيجاره لو حبت تعمل التاج يعنى

6- اوسه المفروسه

واى حد عايز يعمل التاج وانا من جهلى نسيتو يبقى يعملو