2007-05-01

...جزر فى عشق الإسكندريهٌ

دعوه رقيقه من انسان ارق جتلى امبارح على الميل من بهظ صاحب

بهججه اللى اللينك بتاعها فوق عندى

دى مكنتش دعوه شخصيه ليا انا بس

دى دعوه لكل البلوجرز الاسكندرنيه

واى حد من اى مكان تانى ويحب يشرفنا

عن لقاء ثقافى جميل بيتجمع فيه كل البلوجرز فى اى مركز ثقافى يشوفو فيلم سواء فيلم قصير لبلوجر او غير بلوجر او فيلم طويل

بعدها يناقشو الفيلم ويناشقو اى موضوع

كنوع من النقد وابداء الرأى بشكل جميل بين عقول البلوجرز يقولو رايهم ويعبرو عن دا

وانا شايفه ان عالم التدوين بئا يحتل مساحه كويسه من الاهتمام للدرجه اللى تخلى اصحاب الافلام من اى نوع يهتمو ان البلوجرز تتكلم عنها شبه نوع من الدعايه وطبعا الرأى دا بيحتمل ان يكون سلبى يعنى رأى حر بدون قيود عليه

انا متحمسه للفكره دى جداً وبشوف انها لقاء جميل فى مناخ وجو اجمل من الثقافه والرقى والجمال

حساه عالم رائع زى اللى بحب اعيش فيه بكتابتى من تواصل لكل اشكال الفنون

بتمنى عن قريب اعمل معرض للتصوير واعرضو فى الجزويت ان شاء الله

بس دى خطوه لسه عايزه وقت ومجهود عشان الظروف عندى الشخصيه فى البيت

اللقاء دا هيكون فى المركز الثقافى الألمانى (جوتا) طبعا كل الاسكندرنيه هيكونو عارفين فين المكان

ولأى شخص يحب يجى من من بره اسكندريه هو فى مكان مشهور اوى شارع الفراعنه عند امن الدوله القديمه

ههههههههههههههههههههههههههه متخفوش امن الدوله اتنقلت فى سموحه دلوقتى يعنى دا مهجور مفهوش الا العفاريت بس ههههههههههههههههههههههههه وكلمنا خفيف عليهم

مبسوته كتير ان اخيرا هيكون فى لقاء فى اسكندريه على مستوى عالى من الرقى والجمال

مش هنتقابل على قهاوى ولا بطريقه فوضويه

بالعكس هيكون لقاء عالى وعلى قدر من الرقى والجمال اوى

خصوصا انو هيكون بين حضن البحر واسكندريه

وهيجمعنا الشط برملتو الناعمه وتدفينا الشط كلو من اول ابوقير لحد بحرى والانفوشى

لقاء بعتبرو لقاء قمه يجمع بين اجمل مدينه ارق من فتاه عذراء فى حيائها وبين عقول متميزه

...........

حقيقى نسيت اقولكو ان الفيلم اللى هيتعرض هيكون من اخراج مدون سكندرى صاحب مدونه الكنبه الحمرا

الفيلم بعنوان (ٌجزر) اتعرض قبل كدا فى الجزويت واتعرض بره مكنش ليا حظ انى احضر المره اللى فاتت مع انى رحت الجزويت بس الوقت كان اتاخر اضطريت انى اروح

وللاسف انى مش هقدر احضر بردو المره دى فى جوتا لان العرض هيبدا الساعه 8 بليل

بس هيكون فى عرض تانى للجمهور فى المركز الفرنسى الساعه 1 الظهر

ان شاء الله هكون فيه عشان معاد بدرى ومناسب ليا

وبجد حقيقى حزينه انى مش هكون فى العرض اللى هيكون بكره فى المركز الثقافى الالمانى فى جوتا هيفوتنى كتير هيفوتنى انى التقى بعقول حبتها وعشت معاها بروحى

بس هكون موجوده يوم 8 مايو فى المركز الفرنسى اسلاعه 1 الظهر ان شاء الله

...........

انا اسفه ان كنت طولت فى الكلام ودى اول مره اكتب بإسهاب كدا وبرغم انى قلت هاخد راحه من التدوين

الا ان الموضوع يستحق الكتابه عنو

وانا فى حب الإسكندريه عاشقه اهيم بين رمال بحورها

اعشق ضى القمر حينما يتهاوى فى دلال على امواجها

واذوب حينما تحتضنى شوارعها

فانت لى يا سكندريتى عشق وحب وملاذ حين الضعف أتوكىء عليها

وحين القوه انتشى وارقص على فنارتها

........................

كلمه اخيره معلش واقفه فى زورى

المحافظ الجديد الفلاح اللى معندوش اى زوق اللى غير اعمده النور وبدلها بدل اللون الاسود والشكل الرومانى الرقيق خلاها لونها اخضر زرعى

ابن العبيته فاكر نفسو قاعد فى غيط دره

ربنا ياخدو

شكرا

............

ههههههههههههه

معلش اصل الموضوع كان منرفزنى اوى

المهم اتمنى حضور اكبر قدر من اللى يحبو يستمتعو بفن راقى وجمال البحر وعشق اسكندريه

على فكره الموضوع كمان مكتوب فى مدونه اسكندرنيه ولينك بردو فوق مكتوب عندى فى مدونتى

سلامى ليكو

4 comments:

Anonymous said...

I do not understand what he says here, but say that I am Brazilian and would like to know of you, its land and its customs. I wait you in mine blog

Anonymous said...

العواميد الخضراااا
هما مش ناويين يبيضوها؟؟؟
أنا كنت فاكرهم حيضربوها اسود .. ابن الـــ
ياللا . لواء شرطة بقى
حيجيبه من بره يعنى

بلال حســــنى said...
This comment has been removed by the author.
safa7_karmooz said...

:(

كان نفسى ااجى...بس عشان ظروف الامتحانات ...العربية مش معايا الايام دى ..:(

يارب تستمتعى وتستمتعوا كلكم ...:)