تزداد قسوه وجبروت
يتعالى ظلمك ليملىء الملكوت
.........
كنت فكرتك حسيت بينا اخيرا وقلبك اتعلم الرحمه لما بعدت عننا
لكن قلبك المظلم ينضح بالسوادوالقسوه كلما احتجتك
لكنى لم احتاج شىء فقط طلبت منك الاختيار ومهله للانتظار
فانا اشعر بلاغتراب على ما سأنوى اتخاذه
لكنك تدفعنى دفعا الى الهاويه
فلا يوجد بيدى اى اختيار
وحتى بعض الامل فى الرحيل والسفر اصبحت مستحيله
دقيت كل الابواب وقبلت بالقليل
لكن حتى القليل اصبح مستحيل
اتساءل فى حزن
بل اتساءل امامك واستجدى عطفك ان تكون بى رحيم
اما شفع عندك مرضى وضعفى وقله حيلتى
اما شفعت عندك كلماتى حينما قابلت عنفك بالهدوء والرضا واستسلامى لقهرك
لو بلغ حزنى العالمين لما وسع البحر قطره من دموعى
ولو قست كل البشر عليا انى صامده قويه
لكن قسوتك تشوه معالم قلبى
تزيدنى قسوه على البشر وخوف وحزن
اما كفاك ما ضاع من عمرى لتكف البطش بى
الم يكيفك سنين شبابى التى سجنتنى خلف جدران وسجنتنى خلف نفسى وغربتنى حتى بين اقرب الناس لى
تعاقبهم بالحرمان منى لتعاقبنى
تعاقبنى بسجنى بعيدا عنهم لكى يزداد جنونى
اردتنى ان افقد عقلى
وها انا على حافه الهاويه
................
بجد مشفقه عليك يوم القيامه اليوم اللى هتقف فيه ادام ربنا عشان اخد حقى منك
بس انا مسمحاك
لان مش هيرجعلى سنين عمرى واحلامى وطموحى اللى ضيعتها بضلمك وقسوتك ولا لحظه انت تتعذب فيها هترجعلى ثانيه احس فيها انى زى اى بنت بتعرف تحب وبتفرح لو اخدت قرار بالارتباط ومكنتش هظلم اى حد حبنى واتعلم القسوه
واهرب من كل الناس
ومكنتش هكون انسانه فاشله
كنت هكون انا زى ما انا
بس اكيد كنت هكون احسن
...........
الله يسامحك بجد من قلبى على كل القسوه والكره اللى انت بتتمنهولى
وعلى تمنيك الموت ليا وانا تعبانه وانا كنت فاكره اليوم دا هتكون اقرب حد ليا وتاخدنى فى حضنك وتنسى قسوتك لو يوم واحد كنت محتاجه حنيتك وامان تحسسنى بيه وتقولى انا جمبك متخفيش
كنت مشتاقه لكلمه متخفيش عشان تنسينى لحظه الخوف اللى بيقتلنى
لو كل الدنيا قست عليا مش هزعل
لانك من دمى ودبحتنى فى كل دقيقه فى عمرى
وضيعت احلامى وطموحى
...
زعلانه منك اوىىىىىىىىى بكل جزء فى كيانى
وزعلانه من نفسى لانها منك
.......... زعلانه منك يا
مش عارفه انطقها لانك متستهلهاش
