من ضوء شعاع أقمارنا الفضيه الصافيه
رأيتك تقف بين شجر عالى تتسلل بين وريقاته المتدليه
تنادينى فأجيبك أنى آتيه
فأخلع ثوبى وأهرع إلى حضنك ناسيه
آنى عند خروجى تركت ردائى والليله سمائها قاسيه
فضمتنى أهداب عيونك ودثرتنى بالأرديه
فهمست إليك أنى بجوارك أنعم بكل دفىء الفراء الغاليه
وأن منتهى أماني أن اقضى بحضنك ليله ٌأصبح لك فيها غانيه
فخذنى فأنا أمتك الليله فى قصورك العاليه
يا مليكاً تتربع على عرش شفاهى تسقينى خمراً ففاهك لى أنيه
فأسكرنى وذوب أنوثتى برجولتك القويه الحانيه
وأمر بركانك أن يثور بمائك فى رحمى فيحيى بداخلى جنين أحلامنا الدانيه
...
لك وحدك كلماتى..ونور أقمارى وسراً تنبئك به نجماتى
أنى بحبك قد تيم قلبى الهوى.. وأصبح ماء حبك يرسمنى على صفحات لوحاتى
فاليوم عيد ما دمت فى حبك عاشقه..تزدان بإشراقتك حياتى
20 comments:
رقيقة أنتى كذرات الجليد البيضاء
دافئة كشعاع شمس يلف الوجود بحنو و عطاء
عيونك بحور عشق تملأنى سلاما و صفاء
و شفاهك أمواج تغرقنى بعشق أبحر بحناياه حين يسقط الرداء
هنيهة على عرش أحضاننا فأنا أخشى علي فرط نعومتك من الفراء
أنا لا تسعنى الأرض فسأحتضن صدرك بوسع السماء
قصورى عرشك
و قلعتى محراب عشقك
و شفاهى ترنم بطقوس عبادتك
أسقينى من ينابيع أنوثنك
فرجولتى لها تنتشى و روحى تملأ الدنيا فى عشقك بالنداء
__________________________________
ما أجمل أن أحج إلى كلماتك
لتملأنى من عذوبتك و روحك
و تسبح عيناى بين ألوان لوحاتك
ألوان تسحرنى و كلمات تأسرنى
أدام الله أيام أعيادك
و تسطعى بنورك علينا
دمتى و دامت إشراقة حياتك
el2ahwagi
***************
من حنو كفك تعلمت مسامى أن تزهرلأجلك
ومن أشعه شمسك أستمد وجودى من دفئك
يا مبحراً فى عيونى
يا آمراً عقلى وجنونى
يا من أضئت نجماتى وكونى
إن ضاقت عليك الارض فصدرى سكناً لك وغطائك أهدابى وجفونى
وإن كفرت النساء بحبك فأنا أرتل قدسيه كلمتك فأحرفك أحتضنونى
وإن غضب عليك الرب فكن فى محرابى ناسكاً فأرفعك إلى سماء العشق بأجنحه المجون
فالعشق بين الربائب عباده.. وأنت رب وأناألهه وحبنا طهر وولاده
فالجنه خلقت لمثلينا من مخاض عشق وسعاده
_______________
كل سنه وانت طيب
وايامك كلها اعياد
وراحه بال
بجد بجد وحشتيني جدا
تعرفي إني لما بحب أرتاح بجد بدخل مدونتك
فعلا بحس فيها بالدفئ
!!!إوعي تكوني نسيتيني
Amany
---------
دفىء كلماتى من حراره حبى احيانا واحيان اخرى من ثوره الغضب
لكن حينما تخطوا لى بكلمات تنصهر احزانى وسط دفئكم...
أمانى إن كنتى صاحبه مدونه لمحات فاكيد انى لم انساكى ومازلت اقرأ كلماتك واتلمس فيها وجودك رغم بعدك
وحشتينى....
أما ان كنت امانى غير الامانى التى نعرفها
فأعتذر لكى عن عيونى التى ما عادت ترى نور القمر حين يسطع فذكرينى.....
اى كنتى فكلماتك تسعدنى وكم اتمنى ان تكونى من ابحث عنها بين كلماتها
شعرت وأنا أقرأ قصيدتك أن عطر الياسمين يفوح منها
وشعرت بذاك الحب يدغدغ قلبي وكأن كلماتك
تعلم ما في قلبي
شكراً لك على القصيدة الرائعة
دخلت هنا بالصدفة ليس أكثر وألقيت نظرة سريعه كالعاده على المدونة بشكل عام
وبعدين قريت البوست ده اللي هو في رأيي لا يختلف عما سبقوه كثيرا
أولا انا في سؤال ملح جدا انتي كاتبه الكلام ده على اساس انه خواطر واللا شعر ؟؟
اصل لو قلتي ده شعر .. فهو مافيهوش وزن خالص
.. وأنصحك تهتمي بدراسة علم العروض
أما لو قلتي انه خواطر وانتي مش ملزمه بعلم العروض .. فبرضه بما انك كاتبه خواطر .. ليه ألزمتي نفسك بقوافي في بعض الجمل
وأعتقد ان دي مش شعر تفعيلة ولا حتى شعر نثر .. لأن انتي كلامك مباشر جدا .. وشعر النثر ما بيكونش مباشر كده .. وده من العيوب الكبيرة اللي عندك
يعني معظم الصور والأساليب فيها مباشرة لا تحتاج إلى أي خيال
يعني مثلا
تنادينى فأجيبك أنى آتيه
فأخلع ثوبى وأهرع إلى حضنك ناسيه
جملتين مافيش فيهم أي صور إطلاقا .. مجرد استرسال في كلام عادي أو بتحكي حدوتة يعني
غير كده في عندك تناقض في أسلوبك يعني شوية في روحانية وشوية تدخلي الجسد ... يعني لو اتكلمتي عن الروح فخليها كلها بالاسلوب ده
أما لو اتكلمتي عن الجسد فليه انتي عامله خلط
يعني مثلا
شوية تتكلمي عن الشجر والقمر الفضي (هو في قمر فضي أصلا)
وشوية تقولي
وأن منتهى أماني أن اقضى بحضنك ليله ٌأصبح لك فيها غانيه
مافيش وحده في الاسلوب .. او انتي نفسك مش عارفه انتي عاوزه ايه
يا يمين يا شمال ما ينفعش ترقصي على الحبل
أعتقد ان نزار قباني في قصيدته (رافعة النهد)
بالرغم من انه كان بيتكلم في فكرة سطحية جدا إلا انها كانت ابلغ واعمق من هذه الجمل التي لا تحتمل أي عمق في المعاني
وعلى ما اتذكر أنه بدأ قصيدته يقول :
أرافعة النهد لا تظلميه
فقد يجرح الدانتيل إحساسه
أعتقد أنه قدر يعمل فكر من شيء مالوش أهمية من خلال صور عميقة مش مجرد واحد جاي يتلكم في الجنس وخلاص يعني
ودي المشكلة اللي بيقع فيها معظم الشعراء لما يدخلوا الجنس في كتاباتهم غالبا ما بيعرفوش يوظفوه صح
انتي برضه وقعتي في نفس المشكله ان الجنس عندك غير موظف بالمره وكان ممكن تقولي نفس الكلام ده لو اتحط في اطار تاني او اعدتي صياغته بشكل أعمق مش مجرد ماء رجل ورحم أنثي
العلاقة ليست سرير وغانية فقط
وبعدين انتي شاعرة .. مش غانية
واللا ايه ؟؟
lost love
***************
شكرا لك على احساسك
واشكر الحروف التى جعلت من كلماتى تصافح احساسك
darsh
*********
كل اللى هقولوا لحضرتك
انى لست بشاعره
ولم ادعى يوما انى اكتب الشعر
فقط هيا ما اشعر بيه
ولا اجد ابدا اى مشقه او تعب فى تقييد نفسى بقوافى انا اصلا مش بعتبرها قوافى
مجرد كلمات ارصها فى قالب جاف
مثلما انا
يمكن معاك حق يمكن انا غانيه او بتكلم عن الجنس
يمكن اكون مش انا اصلا
ويمكن فشله حتى فى كتابه ما يدور بخلدى
واشكرك على رايك اللى انا مكنش قصدى ان حد يقول رايه فى كتابتى مش اكتر انها لمستنى وكتبتها ولم اقصد ابداء الراى فيها لا بالايجاب ولا بالسلب
اشكرك على عناء تفقد كلماتى السطحيه الجوفاء
لم يختلف رايك كثيرا عن رايى انا صاحبه الكلمات
وانى لم اجيد الرقص جيدا على اوتار الكلمات
وافتكر الجزء التانى من كلامك انى مره بكتب رحانيات ومره جنس
رديت على الجزء دا قبل كدا فى بوست كتبته قبل كدا بردو
لو الانسان مكنش جواه الشهوه مع الروحانيات افتكر يبقى حيوان وهمجى
وافتكر انى بعبر عن ذاتى بمتناقضتها وانا قلت كدا قبل كدا
ان دى نفسى بكل ما فيها من قبح
ان سائك قبحى فعفى عيناك من رؤياه
اشكرك عناء الكلمات
عفوا لم اتعود أن أطيل على احد بهذا الشكل ولم أكن انوي الرد ولكن كلامك خلاني لازم ارد علشان اصلح لك بعض وجهات النظر اللي ربما تكون التبست عليكي
أولا انتي بتقولي انتي مش شاعرة واللا بتدعي الشعر ولكن بس بتكتبي اللي بتحسي بيه
ده جميل لكن اللي انا اقصده طالما انتي عارفه ان ده شعر .. ليه كاتباه في شكل شعري
اقصد شكل الكتابة ده ظلم كلامك لان اللي هايقراه هايعامله على انه شعر وهاينتقده بشكل حاد لكن لو الشكل كان خواطر من الاول كنتي وفرتي عليا كل الكلام ده
أما موضوع ان انتي مش عاوزه حد يقول رأيه في كتابتك لا بالإيجاب ولا بالسلب إلا انها لمستني أو هزتني والكلام ده
اسمحي لي اقول لك .. طالما انتي ناشره الكلام ده على مدونة والمدونة دي مفتوحه لأي حد يبقي انا حقي اقرا الكلام ده وطالما قريته يبقي لازم اقول رأيي فيه .. واللا انا مش حقي اختلف مع حد واللا ايه ؟؟
ولو مش عاوزه رأي حد يبقي ما كانش لازم يطلع خارج الكشكول اللي في الدرج
يعني مثلا مش معقول انا اكتب مقال في جريدة ولما يجي لي رد من قاريء بيقول ان كلامي مش عاجبه اقوم اقول له انت مالك .. لا لازم انشر كلامه واحترمه كمان لانه قري كلامي وشايف انه مالوش لازمه
أما فكرة الروحانيات والشهوة دي انا ما قصدتش كده خالص
انا اقصد ان في حاجه اسمها إطار عام أو الجو العام للنص .. يعني مثلا لو انا بتكلم عن حالة فرح ومثلا ورد في نصي كلام زي .. وردة .. بستان .. جنينه .. حب .. حياة
مش ممكن في نفس القصيدة اقول دموع وشجن
لازم يكون في ترابط وعلاقة بين الكلام وبعضه مش مجرد شوية جمل وخلاص
أما الجملة الأخيرة
إن أسائك قبحي فعفي عيناك من رؤياه
هي أصلا المفروض انها تتكتب كده
إن أسائك قبحي فاعف عيناك من رؤياه
فاعف مش فعفي
لأنها مجزومة بحزف حرف العلة اللي هو الياء
وبعدين مش معقول تيجي واحده تقلع في الشارع وتقول لي ماتبصش .. لا اصل الشارع ده مش بتاعك لوحدك .. فلازم انا كمان طالما حد قال أو عمل حاجه مش عاجباني اروح اقول له انا شايف انك غلط
وإلا بقي نرجع لعصر الفوضوية والحياة لذيذه وكل واحد يعمل اللي هو عاوزه ومحدش له علاقة بحد
ما ينفعش طبعا
واسف على الاطالة
darsh
************
أولا انتي بتقولي انتي مش شاعرة واللا
بتدعي الشعر ولكن بس بتكتبي اللي بتحسي بيه
ده جميل لكن اللي انا اقصده طالما انتي عارفه ان ده شعر .. ليه كاتباه في شكل شعري
مش شايف انك مصمم انى بكتب شعر فعمال تهاجمنى
يعنى قلتلك انا مش زفت شاعره تقولى طالما انتى عارفه ان دا شعر
يعنى انت ادتنى درس فى لغه العربيه واضح انك مش بتعرف تقرا عربى اصلا
وبعدين ليه كتباه فى شكل شعر دى حاجه تخصنى برتاح لشكله بالمنظر دا
بحس ان مزاجى احسن انا حره انشاله اكتبه على شكل مثلث حتى انا حره
...
وبعدين على اى اساس تحكم ان دا ظلم كلامى اى مخلوق بيدخل مدونه عارف ومتاكد ان دى خواطر حتى لو اتكتبت على شكل مخطوطات اثريه حتى
وبعدين اوفر عليك تعب الكلام ايه وبتاع ايه انا اصلا قلتلك حطنى فى قالب وصنفنى انا اطلع ايه شاعره ولا اديبه ولا بياعه ترمس حتى
..
وبعدين انت بتتكلم وتناقض نفسك سعادتك
انا كتبه احساسى على مدونتى
عارف يعنى ايه بلوج او مدونه
يعنى حاجه بكتب فيها خواطرى
وكونها مرئيه للناس عشان تقراه
والكومنت مفتوح عشان الناس تشاااااااااااااركنى مشاعرى واحساسى
مش تصنفنى شاعره ولا مش عارف ايه
وتقولى العروض والقوافى والنحويات
انا عارفه كويس اوى ان نص كلامى غلطات املائيه ونحويه انا مش خريجه قسم لغه عربيه
انا بكتب خواطر وارد الغلطات فيها اوىىىى
فعشان تكون فاهم اكتر يعنى ايه مدونه قبل ما تعمل لنفسك مدونه وتبتدى تيجى ترمى عقدك على الناس يا سيدى لو حضرتك مدرس لغه عربيه يبقى هتكون بتكتب كويس وبردو محدش فى المدونات بيدى حد نشان او تحيه على انه مغلطش فى ولا كلمه دى مش كراسه املاء دى مدونه
واللى بيعلقوا عندى مش بيقولو رايهم
بيحسونى وبحسهم مشاااااااااركه انا مش بنشر كلامى فى كتاب ولو نشرته ابقى متقراهوش يا سيدى
وكون سعادتك بتقول انك بتكتب فى جريده ومش عارف ايه ولو انى مكلفتش خاطرى عناء الدخول عندك عشان اعرف انت ايه اصلا لان لو حتى طلعت احمد شوقى مش عايزه اعرف عنك شىء
بس فى الجريده يا ابنى دا اكل عيشك بتتكسب منه
يعنى لما يجيلك نقد انت مجبر غصب عنك انك تعالج اخطائك والا يرفدوك وتدورلك على شغلانه تانيه اقرب لمؤهلاتك
انما دا مش جرنال ولا مجله كليه فى قسم لغه عربيه
دى حياتى على ورق
وبعدين انت هتقرر انى كلامى ميخرجش من كشكول جوا درج لمجرد انى اعترضت على اللى انت بتقوله
دى مدونتىىىىىىىىىىىى
اقول فيها زى ما احب بلاسلوب اللى بحبه
......
وبعدين جنينه ايه وورده ايه اللى بتقول عليها واطار عام ايه وجو نص ايه انت محسسنى انى فى حصه نصوص وقراءه كل موضوع بكتبه منفصل عن التانى بحكى حدوته ام رجل مسلوخه فيه وازاى رجلها مكنتش مسلوخه وكانت بتضحك وبعد ما سلخوها بقت تخوف الناس استريحت
اللى بكتبه هو اللى حاسه بيه حتى لو مهلبيه
غير انك فى التعليق اللى قبله سبت كل حاجه وتقولى هو لون القمر فضى؟؟؟
امال لونه ايه حضرتك بتنجانى مخلل
وحتى لو انا شفت ان القمر فضى انا مش بحط نظريه مجرات وكواكب وافلاك
انا شفته فضى عشان عندى عمى الوان
انت مش بتنقد انت داخل تستعرض كلمتين بشكل اقل ما يوصف انه سخيف اوى اوى
فاعففى فاعفو فعواف عليك انا مش فى المجمع اللغوى اكتبها زى ما احب انا معايا بكالوريوس تجاره مش عربى
غير ان اسلوبك ميتسمعش منه اى نصيحه اصلا
يا سيدى انا بصمجيه معايا ابتدائيه قديمه حد قالك انى معايا بكالوريوس لغه عربيه ومجزومه ومجروره انت بجد يعنى اسفه بس تعليقك سخيف واسلوبك منفر جدااااااااااااااا
وبعدين مدونتى مش شارع
مدونتى ليا لوحدى ولاصدقائى وانت للاسف مش منهم
فاسفه مش هتقبل انك تقولى اغلاطى عندى ناس تانيه بتقولهالى شكرا ليك متتعبش نفسك
اسلوبك منفر جداااااااااااااااااااااااااا
.
.
اول مره من ساعه ما عملت مدونتى اتكلم بلاسلوب دا
جالى تعليقات ويمكن لا اخلاقيه فى كلامها كمان فى بعض الاوقات
انما عمرى ما رديت كدا ابدا
بس انت مستفز لدرجه ان الزوق خساره فيك
غير انك جيت فى وقت اصلا مش متحمله فيه الاستفزاز دا او الغلط فيا بشكل غير مباشر وحاطط شويه كلام بتنقندنى منه بشكل غير مباشر
اذا سمحت حضرتك غير مرغوب فيك فى مدونتىىىىىىىى
انا مش فى جريده باكل منها عيش
انا بكتب لمزاجى
طب انا اعلق على البوست ولا التعليقات اللي عليه
بجد جميل اوي اللي كتبتيه
رقيق وجريئ
وجميل كمان ردود اصدقائك
وخدي بالك من اصدقائك دي
هههههههههههههههه
اختي ما تحرقبش اعصابك هناك من خلقهم ربي لعكننه العباد
فحاولي تفويت الفرصه عليهم
بكل بساطه
DELETE
وريحي نفسك
تحياتي ليكي
واصلي كتاباتك
واضح انك فعلا بتتقبلي النقد بصدر رحب وأسلوبك مهذب جدا في الحوار وما بتغلطيش في حد خالص
على فكره زي ما حقك تقولي اللي انتي عاوزاه .. انا كمان حقي اقول رأيي في كلامك زي ما انا عاوز من غير تجريح
عموما شكرا على أسلوبك الراقي ده
ملحوظة :
النقد مش على الشعر بس .. النقد على كل حاجه حتى السكس
تحياتي
بعد التحية والشـكر للزيارة الغالية. كل عام وأنت بألف ألف خير وعافية.
أنا سـعيد كون ما أخربشـه من كلمات في زاوتي ينال من إعجابك, وأنا في طول غيابي وتكراره يفوتني الكثير منك ومن من يشـاركنا إختلاجاته ...
أما عن الذاكرة التي سـألتني كيف لنا أن نجدها ... لا أعرف الرد ... ربما ما يسـاعدني أو يغالبني, صدقيني لا أعرف الفرق هو كوني أحياها كل يوم دون أن تفارقني هنيهة ... ولا أعرف إن كان خيرا أم لا ... ما أعرفه هو كوني سـعيت بكل جهد لأجعلها دافعا للعيش والسـعادة بدل أن تكون دافعا لرفض الحياة والتعاسـة.
أو على الأقل هكذا أود أن أقنع نفسـي
تحياتي
و نحن على أعتاب عام جديد
أتمنى أن تدوم صفحتك و همسك
بإحساس صادق بعيد عن الإدعاء
بصور جلية فقط تأسر بالسحر من له أعين ترى
بكلمات و أشعار ليس بمقدور قوالب أن تحدها
بعيد عن الزيف
بعيد عن النمطية
برقة تلمس
بهمس يؤنس
أو بصرخة تدوى تطهر و لا تدنس
صفحة يسودها صفاء
ليس لها اسوار
و لا تلوثها أى سفسطة
دمتى لنا
اسكندراني اوي
*******************
زيارتك تشرفنى وتنورنى دايما وانت صديق واخ عزيز جدا
اشكرك على دعمك لاحساسى وكلماتى
واكررها للى بيدخلوا ويدعوا النقد
كلماتك انت او القهوجى او اعز ناس بتكتبلى هو ببساطه دعم لمشاعرى
واكيد من خلال مااى حد من اللى يعرفنى انى عمرى ما ادعيت انى بكتب شعر والله
حتى لما اكلم اقرب صديق ليا متابعنى بقوله نزلت موضوع جديد عمرى ما قلت شعر جديد
انا بس حبيت اكرر الكلام بشكل مباشر للناس اللى تعنينى وبحترمهم كاخوات واصحاب واحباب
واى كلام انا رديت عليه للى كتب التعليقات الاخيره فهو موجه ليه بس
انا برحب بالنقد واى لفته انتباه ليا فى اى خطأ فاكر لما كان ليك ملحوظه على بعض كلماتى وببساطه قلتلك انا قصدت ايه
بكل احترام لانك انسان محترم
انما التجريح بيوجعنى اوى ولاول مره يكون اسلوبى كدا لانى كنت مديقه
على اى حال كل الناس اللى ليهم تقدير عندى بعتذر لهم عن اللى شافوه من كلام وجدال بينى وبين الشخص دا
شكرا ليك على دعمك وعلى اهتمامك
طاهر خشاب / Taher Khachab
****************************
كل سنه وحضرتك بالف خير
دائما الاعزاء ما يبقوا حتى ان غابوا
فى الحقيقه ان اللى قريته لمس موضوع حسيته انا كمان
فكتبت عن احساسى
اما عن الذاكره ليتنى اعرف ان اجعل ذكرياتى شىء يمدنى بالقوه
من قريب كنت اتكلم مع شخص قريب لى عن الذكريات
واقول له انها اصبحت سواء لا تجعلنى احزن ولا حتى تعطينى مزيدا من الفرح
اشكرك على الزياره والرد
واتمنى ان تكتب المزيد
el2ahwagi
*************
ثق دائما انه مهما تغير الاشخاص من حولى فإنى لم ادعى ابدااااااا
ولن ادعى
وستظل كلماتى كما اشعر بها وليده
على فطرتها اى ما كانت
فطره مهذبه او احيانا فطره تقسوا على اشخاص لبسوا الاقنعه
اشكرك على زيارتك لى فى ذلك الوقت خصوصا
darsh
************
ربما اسلوبك قد يكون مستفز
ربما يكون نقدك غير مباشر يحمل بين طياته هجوما لشخصى
ربما لم تكن على حق لانك لم تفهمنى
ربما اشياء كثيره لم أعذرك فيها
لكن اود الاعتذار عن اسلوب الرد الذى لم اعتاد عليه عند تعليقى على اى شخص يجرحنى
اعتقد من سوء الحظ انى كنت فى اسوء حالاتى حين قمت بالرد
ربما اول تعليق يبكينى ليس من حده ما كتبت فكتب ما هو اقبح من قبل
لكنى اشفقت على نفسى بلامس من الاهانات
فانفجرت فى ردى عليك
.
.
كلمه ااخيره لك
لاتمنح نفسك حق التجريح فى البشر
ربما ياتى اليوم وتحتاج الى كف صديق
ربما يد الصديق تكون بها اخطاء
فنحن لسنا انبياء
لكن يبقى بجوارك قلب يساعدك على النهوض
فلا تقسوا على اشخاص قد يكونوا فى امس الحاجه الى يد تمحى القسوه والاهانه
اسفه على اسلوب الرد
يا عم درش خف تعوم
حاول ان تفهم ما وجهته لك الانسة او السيدة لا ادرى من عتاب رقيق ولم تكن سخيفة او قاسية فى ردها عليك
ولك التحية
Post a Comment