أنا المتصوفه فى العشق لا محاله
أنا التى فى محرابك لا أعرف للغى إستحاله
اٌفجر أنهار حبك وأجوب وديان جسدك فأنا المتيمه الرحاله
أجيد المكث فى وطنك فلروحك توهج واطلاله
فإن غاب جسدك فأنا أعشق الإنتظار
كًـنـبـت وليد فى أرضك يعشق الإرتواء والأمطار
ففى وحدتى ألتحف الموج وتغرقنى البحار
يا من تشعل أُنوثتى فى البعد وفى القرب تحترف قطف الأزهار
فيا مليك تربع على عرش قلبى أدمنت فى هواك الأسرار
وحين أنتظرك فى الليل تحاكينى الأنجم وتحدثنى الأقمار
رفقاً بحبيب من قبلك عشقناه وجنّ له الليل وحار
فأنا المتصوفه فى عشقك لامحاله من تعشق فى غيابك الأنتظار
...
اٌكرس روحى لك فى إنشغالك
16 comments:
"
فإن غاب جسدك فأنا أعشق الإنتظار
كًـنـبـت وليد فى أرضك يعشق الإرتواء والأمطار
ففى وحدتى ألتحف الموج وتغرقنى البحار
يا من تشعل أُنوثتى فى البعد وفى القرب تحترف قطف الأزهار
"
...............
روعة
تحياتى
هش
كلماتك رائعة كتير نور
انا قريت كل بوستاتك تقريبا عندك دقة فى السرد و الحب عندك آداة فنية راقية
بس ليا تحفظ
و مش عارفة أقوله و لا لا
لو تحبى تسمعيه او تناقشينى فيه ارجو تبلغينى
و على فكرة
ده من احلى البوستات الى قريتها بجد رائع و معبر جدا هو بعنوان اعتذار
أعتذر لقهوتى على مراره لم أقصدها
أعتذر لقهوتى من ظلت تحرس ليلى وأقمارى اللامعه وأنجماً أعشقها
أعتذر لأن ليلى لم يكون أقل مراره فى حلقى من مر قهوه أدمنتها
أعتذر لأن السهر بدونى كان أجمل دون غضباتى التى أمقتها
أعتذر على غيابى وعطشى لأن أتلمّس موضع شفتاه للقهوه عندما يرتشفها
على قلق وحزن تسببت فيه ومزيداً لمراره قد أحزنته ولم أفلح فى أن أذيبها
أعتذر على حزنى.. على بعدى.. وعلى ضمه صدرك التى أبعدتها
أقف الآن وقد أنهكتنى الصفعات بوجهاً باكياً وردائاً الأكف القاسيه قد مزقتها
أعتذر وأطلب الإنسحاب لروحاً الرياح عصفت بقلبها وحطمتها
hesham
----------
أشكرك جدااااااا على الزياره حقيقى حلوه
hanan
---------
حنان أهلا بيكى
قولى كل اللى تحبيه انا بحترم كل الكلام طالما باحساس صادق وقلب طيب
.
.
بخصوص البوست اللى عجبك
اخترتى الجزء الأعمق فى احساسى
ليس من أجل البشر فقط نكرس أرواحنا :))
غير كده إنتي فعلاً متطرفة في العشق :)
ازيك يا ضياء
انت على طول كدا شايفنى متطرفه
يعنى لو ربنا كرمك بانسانه تحبها مش هتعمل كدا واكتر
مع ملاحظه ان ربنا اعلى من كل شىء
كدا متفقين ههههههه
رغم انى اصلا مكنتش محتاجه اكتب الجمله دى بس دا توضيح عشان خاطرك انت يا عم ضياء
بس متبقاش عصبى علينا كدا ههههههه
همسـ الليل
كلماتك جميلة جدا جدا
بجد من اجمل الكلمات الى قرأتها
عجبنى اوى الاحساس الصادق الى واضح فى كلامك
تحياتى ليكى
واتمنى انك تشرفى مدنتى المتواضعة
كلاماتك رائعه جدا جدا جدا بجد بوستك ده هائل مع اول زياره ليا لكن امبهرت بيه بجد ومدونتك هديا جدا وتحفه تقبلى مرورى وياريت تقرأى بوستى ده http://fononblal.blogspot.com/
عمرو النوبى
--------------
اهلا بيك ونورتنى ف ى صفحتى
وربنا يخليك على المجامله الجميله دى
واكيد ان شاء الله ليا زياره لمدونتك
ادم المصرى
-----------
ربنا يخليك على اطرائك الجميل
وان شاء الله كل ما تقرا فى صفحتى تنبهر دايما
واكيد هدخل وهقرا بوست بتاعك ان شاء الله
بشكرك جدا على زيارتك ولكن نزلت جزأ تانى من اميره بكل النساء اتمنا تشوفيه
أنا سعيدةجدا على لمسى الجزء الأقرب لكى
و أنا كان تعليقى إن سورى يعنى
فى بوستات كتير لكى حاسة انها يعنى
اوفر شوية
اوصريحة شوية
و طبعا أنا فاهمة ان ده بشكل أدبى مش شىء متعلق بالاخلاق لاسمح الله لانى برضه قريت بوستاتك الدينية الرائعة و انتقادك للى حاصل
لكن أنا مش عارفة حاسة ان الاباحية فى الكلام او الصور مش بتحتفظ بالغلالة الرقيقة اللى حاساها فى بوستات تانية لكى و من أجملها الاخير اللى لسة هعلق عليه
وأنا آسفة جدا لو تعليقى ضايقك
انا مش عارفة انتى قافلة التعليق فوق ليه
بس انا هعلق هنا
البوست يجنن مووووووت يا همس بجد جامد جدا
و خاصة
أشعر بالألم لألمك
وأشعر بالحزن لبعدى
المرة دى انتى لمستى جزء فنفسى
بجد تعبير عمميق
و فعلا انا احساس المك لالم اللى قدامك
زى المك لنفسك
ده احيانا بيكون نوع مالحب
hanan
---------
اولا سعيده بمرورك وسعيده اكتر بنقدك قبل اى مجامله تانيه
يمكن انتى لو فعلا اهتميتى تعرفى او على الاقل تحسى بلمحه من ملامحى جوا الكلمات اللى بكتبها فكنتى هتقرى اجابه انتقادك دا مكتوبه فى كذا بوست
انا انسانه يا حنان
وهنا مكان أشبه بمكان الانسان بيغتسل فيه من كل شوائبه
وعشان يغتسل لازم يتعرى من كل تحفظات
لو الانسان هيتكسف من عريه عمره ما هيعرف عيوبه وعمره ما هيتطهر من أوساخه
بعتبر ان فى اشياء بتعبر عن الاغتسال والتطهر
واشياء تانيه بتلمس جانب جوايا
وانا قلت كذا مره انا دى تركيبتى
لو فيها شهوه او صراحه زايده زى ما قلتى فدا جزء فيا ولو فى جزء رومانسى او رقه او حب او اخلاص دا جزء منى بردو لما احب بيظهر
وفى عنف وقسوه وصفات كتير وحشه ودا بردو جزء فيا وفى جزء بينور فى قلبى بحب ربنا
انا كيان مركب من حجات كتير زى اى انسان
واظن اى انثى فيها كل المركبات دى
بس فى ناس عامله سبوت لايت على جانب معين من شخصيتها
وبتخفى اجزاء تانيه
زى القمر يعكس نور مش بتاعه رغم ان جواه مظلم
والناس بتعجب بيه
انا زى النجم يمكن يلمع من بره او ساعات يخفت نوره لان جواه نار
على مقدار توهجه فى اللحظه دى بينور
هو بيعكس اللى جواه مش بيعكس حاجه مش فيه عشان يتجمل
اللى جواه وبس اى كان
ومن من بنات حوا يستطيع ان يخفى توهجه
الانثى خلقت غاضبه آمره متمرده عاشقه ضعيفه فى قوه وقويه فى ضعف
تعشق من يمتلك لجامها حينما تمتلك قلبه واختلاجاته
ببساطه دى مشاعر كل انثى بلا رتوش
معلش الرد اتحول لأميل وطول معايا اوى بس سؤالك اجابته 29 سنه عشتهم من عمرى علمونى اكون انا زى ما انا مينفعش فى سطور
.
.
بالنسبه للتعليق التانى
ربنا يخليكى على المجامله
اولا انا قافله التعليق فيه لانه خاص باحساس عميق اوى جوايا فوق انه يتقيم بكام تعليق او كلمه
فوق ان حد يقولى الله كاتبه حلو او وحش
فوق الكلمات لان ألم العزيز عليا متفدهوش كلمات الدنيا كلها لو قلتها
حسيته خاص بمشاعرى اوى وبالم واحساس شخص عزيز فحبيت اخص الكلمات دى بالذات بعدم التعليق
وعلى فكره الحب دائما وليس احيانا
ما بتنصهر الاجساد والارواح اللى بيها الاحساس بالام يكون واحد
احسه وقت احساسه ويوجعنى وقت ما يقول آه
.
.
سعيده بمتابعتك ليا
ادم المصرى
-------------
ان شاء الله وزيارتى مش محتاجه شكر
أعشق قراءه قلوب الأخرين
وسماع عزف قيثارات الملائكه على اوتار المشاعر
Post a Comment