?!.. Tag 2

انا هرد على التاج ودا تانى تاج يتطلب منى فى تاريخ البلوج بتاعى اصلا

ويلا شكلنا هنتفضح يعنى هنتفضح

المهم هجاوب هو سؤال واحد بس .. بس فيه الخلاصه يعنى

ايه هما خمس حجات اللى محدش يعرفهم عنى ؟؟؟

اولا : بحب اكل اللحمه نايه حته على بعضها كدا اكلها

ثانيا: بخاف من الاسانسير اوى عندى فوبيا من الاماكن المغلقه والاماكن المضلمه

لحد دلوقتى لو قمت من النوم والنور راح افضل اصرخ وانادى ماماااااااااا لحد ما تاخدنى فى حضنها ههههههههه وطبعا انا دلوقتى قاعده لوحدى مفيش ماما يعنى ربنا يستر والنور ميروحش وانا نايمه عشان لو نديت على ماما هفضل انادى عليها لحد ما اتخرس

فى العادى بحب الضلمه

ثالثا:لما بتنرفز من حد وبتعصب اوى بشوف الدنيا سودا ادامى ومش بهدى الا لو ضربتو ساديه اوى لما بتنرفز ولازم اضرب او اكسر حاجه نظام بكاااااااااااااام دى نيا هااااااااا

رابعا :انا مش رومانسيه ومعرفش احب اشخاص ولا احب زى اى حد انا بحب اشياء بحب البحر الشتا واى مكان بيجمع البحر والسما فى حريه وبحب المكان اللى فيه مكتبه اسكندريه اوى

خامسا:انا هقول على العقده دى وامرى لله بس محدش يضحك عليا

انا بخاف اوى لو شوفت اى مايه مفتوحه فى الحمام والحوض اتملى ميه وبينزل ميه على الارض باندفاع او ميه الباديه لما تكون مفتوحه على اخرها باندفاع فى الحمام المنظر دا بيخلينى اصرخ معرفش ليه

بخاف من شكل اندفاع الميه روحى بتروح واقعد انادى على اخواتى الحقونى اقفلو الميه وحجات كدا هههههههههه

والله انا فشلت اعرف سر العقده دى ايه بصراحه

بس زمان اوى وانا صغيره عندى 6 سنين كنت بخاف اروح الحمام لوحدى زى اى طفله يعنى سعات بتخاف

المهم بابا الله يسامحو ويديلو على اد نيتو بئا اه والله بابا دا ربالى الخفيف فى دماغى

المهم قالى الحمام مفهوش حاجه تخوف وراح مدخلنى الحمام وطفى النور وقفل عليا الباب وقالى لو لقيتى حاجه خوفتك يبقى ليكى حق

المهم انا جوا الحمام اتسرعت ههههههههه اه والله جالى حاله هستريا من الخوف والفزع مع انى ملقتش حاجه جوا الحمام انما واضح كدا انى اتلبست جوا ههههههههههه ومن ساعتها بشوف حجات غريبه بجد بس دلوقتى مبخفش اتعودت

بس دول 5 حجات اللى محدش يعرفهم عنى الا فى البيت عندى وياريت محدش يضحك عليا احسن هيضرب اديكو بقيتو عارفين انى شرسه عشان محدش يبقى عندو حجه لو نرفزنى