...صمتأ دموعى

صمتأ دموعى ولا تبوحى .. لا تفضحى ما وارته الضلوعِ

انا اسفه ان كنت سببت لاى انسان اى قلق او مديقه

انا اقل من ان اى حد يشغل بالو بيا

الحقيقه ان جوايا قبيحه جدااااااا

قلبى دميم عقيم لا يعرف الحب

-.-.-.-.-.-
الموت يقطر دما ويخرس افواه الاحزان
يمكن كنت بدات اتمالك نفسى وافكر بعقل فى قرار مستقبلى وحياتى وارتباطى بقارن

وبفكر مين ممكن يكون احسن كوضع وسفر وحريه

حجات كلها ماديه بحته بما ان كدا كدا مفيش حب

سمعت خبر موت روان بنت رقيقه كانت ملاك عرفتها من وقت بسيط بس اثرت فيا اوى

موتها حسسنى اد ايه انا ولا حاجه انى عايشه لذاتى ونفسى وبس مبفكرش فى اى حد غير

ازاى اعيش مرتاحه ومش مهم دا هيسبب ايه لناس تانيه انا اسفه لكل الناس انا اسفه انى وحشه اوى كدا

مقدرتش اتحمل حسيت انى انهارت

حسيت ان الدنيا ولا حاجه

وان الاحزان بقت زى الافراح

كل شىء فى الدنيا ميستهلش

حتى زعلى ميستهلش

حتى نفسى متستهلش

لاول مره حاسه انى اتهديت

ياما مرت عليا احزان ومشاكل كنت بزعل او بتدايق انما كنت قويه
بس بجد اول مره احس انى اتهديت بمعنى الكلمه

مبقاش عندى رغبه لاى شىء فى الحياه حتى الحزن والوحده حتى اى شىء كنت بحبو

فى حياتى انى اعملو مبقاش له معنى

تعبت اوى حتى جسمى كانو بيشاركنى رفضى للحياه

وبفقد الوعى كل شويه مع انى كويسه باكل كويس وبرغم من كم الهموم والمشاكل اللى بمر

بيه الوقت دا الا انى لاول مره بعيش عادى بنزل وبخرج وبتكلم بس مش حاسه بشىء من حوليا
فجاه وسط ما انا بعيش مرغمه على العيشه الا قى جسمى رافض انى اتجاهل حزنى ويرفض الحياه
بس انا واصله لحاله انى حتى مش قادره على الحزن ولا البكاء

انا عايزه اعتزر لاشخاص فى حياتى معرفتش احبهم على اد حبهم ليا

سامحونى لاى حد حاسس انى ظلمتو او انى كنت قاسيه عليه
انا مقستش على حد الا روحى
-.-.-.-.-.-.-.-.-.-.-.-.-.-.-.-

قطرات المطر السوداء تتساقط على جسدى فى ليله ظلماء

فى انتظار وئد الليالى لاحلامى

حزينه انامن كل عالمى

افترش الارض ناظره بعيون شاخصه الى السماء اعاتب النجوم واجافى السحب

كرهت رقصه فى الظلام لروحى الوحيده كرهت غنائى فى الصباح بعد السهر وانا اغنى لفيروز

ماعدت اعشق ذاتى من كانت اخر ما اعشقه

لن ابكى فدموعى صارت كعاهره رخيصه

كلماتى كعمرى مبتوره
-.-.-.-.-.-

انا اسفه على عدم الرد

وبرغم خنقتى ولا مبالاتى اللى بحسها من كل شىء حوليا الا انى حسيت ان اهتمام اى انسان ساب تعليق كانو مسح دمعه منى

شكرا بجد للقهوجى وكلامو عنى فى البلوج

شكرا لرأفت اللى بوجوده خرجنى من حبستى لما رجع من امريكا

شكرا لانجى اخت ليا وسماعى صوتها بجد اسعدنى كتير

شكرا لمنال على ميلاتها وسؤلها عليا

شكرا لحسنى سليمان اللى منسنيش وسال عليا برغم تقصيرى معاه

شكرا ليكى يا امانى على كلامك الرقيق

شكرا يا ضياء .ابراهيم . هاجر. ياسمين . سيجاره .ايبى

شمعى

اى حد كتب وتعب نفسو وحس بيا بجد شكرا

محبتش ارد على التعليقات لانى حاسه انى دماغى مش معايا

بس حبيت انى محتلش اى اهتمام فى ذهن اى حد مستهلش اى حد يوجع دماغو بيا

سلام