2007-07-13

...الليل .. والبحر .. وعشق الإسكندريه



كنت اتكلمت مع شخص عزيز على قلبى كتيررررررر
عن إسكندريه والأماكن اللى بحبها شوارعها والبحر حبيت عنيه تشوف اللى أنا بشوفو
كان عندى نيه إنى اكتب عن اسكندريه وعن شوارعها وناسها
جمعت معظم اللى عيونى بتحب تشوفو لاهديها ليه
يمكن اتاخرت شويه
يمكن فات الوقت
يمكن الاشخاص دول تحولو عنا
لكن تبقى الصور ويبقى الاماكن كما عشقتها كما هى
قد تتغير القلوب والأنفس
وتغترب الارواح
وقد تتباعد الامكنه
لكن تظل الاماكن شاهد على فرحنا واحزاننا
دى صوره بسيطه عن اسكندريه اللى حبيتها بسلبيتها قبل مميزاتها
اسكندريه السحر العميق
والبحر الغاضب الرقيق
اسكندريه كما يعشقها كل السكندريون
او ربما لا يشعر احد بعشقها فقط هو سحر يدفعه لمعرفتها
سحر ما ان ظل احدا فيها او زارها يظل متيما بها حتى ان هجرها




ودى المكتبه المكان اللى بيسحرنى

ربما هذا السحر لم ياتى صدفه

ربما لان تحت هذا المكان يقبع تحت ارضه لعنه حرق المكتبه كلما شيدت من جديد

سحر يشد الارواح والقلوب للمزيد

شغف تهيم به الروح كلما آتاه او غدا بعيد

فى المكان دا يضم افراحى واحزانى

اقذف فيه روحى العطشى حينما تظمأ من جدب الحياه الموحشه

فأتيها طوعاً وتعانق روحى بحرها

حتى ان كنت حزينه اجد نفسى ابكى ولا ادرى أدموعى أم ملح البحر يحرقنى

وان احسست بسعاده لا اعرف لها معنى أيضا ً آتى اليها واجلس اشعر بان الامطار تعانقنى

وان صوت الرعد ما سوى الا طبول تزف روحى لحبيبها

والبرق فى السماء يشعرنى بكم اغترابى وحيده

فانا افزع عند سماعه واشعر كم اتلهف لحضن حبيب يقبلنى

لكنى اكفكف دمعى والملم ذاتى واضع يدى فى جيوبى واسمع صوت فيروز

وانظر الى عمق البحر وهيجان الامواج الثائره

وكانى اقذف به خوفى وارجوه ان يكون بى رحيما ويضمنى بامواجه الحانيه

حكيت ليه بردو عن حبى للمكتبه وعن الشتا لما بيشتى فوق ازاز المكتبه العلوى زى ما باين فى الصور

وانا بكون قاعده بقرا وسمعه اصوات قطرات الشتا تتساقط قطره قطره

وكانها تحدثنى

هذا هو المكان الذى يأثرنى

..........

أسفهُُ انا إن تاخرت كلماتى او فات أوانها

لكنه عهد ووعد بينى وبين روحى ان يرى ما رأيت

لكنى ربما تاخرت

22 comments:

hosnysoliman said...

نوره الشاعرة الاموره
اسكندرية..اه ومائة اه..ليس لها مثيل فى كا العصور والازمنه وسوف تظل هكذا ما بقت السموات والاراضين..انت تتكلمين عن اسكندرية الحديثه..الاسكندرية عن كل العصور..انا لو كلمتك عن اسكندرية سوف اكلمك عن اسكندرية ماريا وخاصة فى فصل الشتاء "ايليت"وامامه"سانتالتشيا" ايليت للايالى الى يكون الى فى الجيب على القد وسنتا لوتشيا لما يكون مليان عشاء على المزاج مع كاسين كمان للمزاج
والصبح ياسلام على فنجان كابتشينو فى الترينون وساعات فى سيسل وساعات كمان لما التكون الشمس طالعة يبقى اتنيوس
وياسلام ليله ممطرة وامشى فيها تحت المطر وانا باتمنى انى ارقص اجرى..
يمكن كل الاماكن دى لم يعد لها رونقها السابق ولكنى لازلت اذا ما ذهبت الى الساحل الشمالى لابد وان تكون لى ايام مع اسكندريتى الحبية..ورغم تغير اشكال الامكنه الا انا اعيشها بروح الماضى الجميل..ياه يانوره..رجعت ماضى جميل
اشكرك

el2ahwagi said...

طالما أحببت الأسكندرية و جمالها

لكن أحبها الآن بعمق البحر لأنها تضمك

فإليها ترسى سفنى و هى لى الآن ترابى و وطنى

________________________________

جميـــــلة المكتبة خصوصا بعيونك
أصبحت أراهن على الجمال بشهادتك

(F)

vetrinary said...

معرفتش احب اسكندريه
ومعرفتش احب المكتبه

همس الليل said...

hosnysoliman
****************
اشكرك انا على كلماتك
اسكندريه ليا مش بلد اسكندريه ليا حضن وبيت واهل وعشره عمر
طفولتى
مراهقتى
شبابى
وان شاء الله اموت فيها كمان
ولو ربنا كتب ليا اتغرب عنها اتمنى ارجع ليها تانى حتى لو كوم تراب
اشكرك للمره التانيه

همس الليل said...

el2ahwagi
**************
أحبتت ان تراها كما اراها انا
وان ترى عينك ما تراه عينى
بحرى ومرساى
طريقى ومكتبتى
الاسكندريه كما احب
.
.
.
إليك
قد اهديتك عيونى لترى بها حبى

ممتنه انا لك لانك احييت فى ما احب

ولان انعكاس نورك يضىء لى الاشياء

همس الليل said...

vetrinary
************
من كان جميل يرى الوجود جميلا
.
.
.
كنت قد اردت شخصا بعينه ان يرى بعيونى
القهوجى

.
.
وان كنت لم تعرف ان تحب الاسكندريه فبلدى لا تعرف الغرباء
وبحرها غاضب هو والسماء
فلترحل وتأخذ معك غرابيبك السوداء
فمائها سيظل صافياً مادام حبيبى يطهرنى بصفاء الماء

YHYيــوســف الـمصـرى said...

هوبااااااا
بقيت اوفسيد !!!!
........
اسكندرية اجمل بلاد الدنيا
.......
هو فى ايه؟؟؟
واحد شاى بحليب علشان افطر !
تحياتى يا اغلى بنت اسكندرينة شفتها
ابقى طمنينا عليكى بميل ورسالة !
تحياتى
وبتوفيق
سك على المشريب علشان اقوم انام ;)
سلااااااااااااام

klmat said...

ماشاالله على اسلوبك الجميل اللى عبر عن احساسى وحبى للأسكندريه هو طبيعى ان الواحد يحب المكان اللى فتح عينه عليه ونشأفيه بس احنا يا اسكندرانيه عندنا الحكايه دىيمكن زياده شويه لأنها فعلا جميله بناسها وجوها وبحرهاهى لها طعم وسحر خاص بتتغلغل فى القلب بدليل ان ده احساس جماعى وطبعا الواحد لما يحب. يحب حبيبه يشاركه فى كل حاجه خصوصا الحاجات الحلوه نفسك يوصله فعل سحر ليل ورائحه بحر اسكندريه اتمنى ان يكون لسه فى وقت احييكى

اسكندراني في الغربة said...

و أنا في المدونة بتاعتك عندي احساس اني في محطة الرمل
سينما و مسرح و محلات و ناس وترام و جوجو وحاجات كتير حواليا
اسلوبك محتاج ناقد فني ودا اكيد مش انا
بس الواضح انة مختلف- جرئ- صادم احيانا
.
سمعت انك لسة في تجارة ..بجد؟
يعني لسة في مجمع وسكاشن ومحضرات مبتحضرش
اخيرا شفت حد عاقل عملها
.
اما اسكندرية
نصيحة.. متحلميش انك تبعدي
انا سمعتها مرة..الي زينا ملهوش غربة

vetrinary said...

........

همس الليل said...

YHYيــوســف الـمصـرى
*************************
إزيك ربنا يخليك على المجامله دى هههههههه

بعدين انت داخل قهوه فى بحرى شاى بحليب ايه بس

دلوقتى بنشرب قهوه بس ههههههههههه

همس الليل said...

klmat
**********
ربنا يخليك على كلماتك الرقيقه
وطلعنا جيران وساكندرانيه زى بعض

طبعا الرقه دى والزوق اكيد من واحد اسكندرانى اوى

شرفتنى حقيقى زيارتك

همس الليل said...

اسكندراني في الغربة
*********************
اولا شرفنى دخولك عندى
انا مره دخلت مدونتك وعجبنى كم الحنين للاسكندريه
انشاله ربنا يردك بالسلامه لاهلك وبحر وليل اسكندريه

وبعدين ايه حكايه سمعت انى لسه فى تجاره ههههههههههههههه
هو انا اتفضحت اوى كدا هههههههه
اه انا شكلى مش هخلص
وعلى فكره

بحب كليتى ومتعصبه ليها بجنون ومحبى ليها حطيت صوره لمبنى التجاره فى المجمه ضمن الصور اللى فى السلايد ههههه


واكيد اى حد اسكندرانى هتلاقى شوارع اسكندريه وكل معالمها باينه عليه
ومحسوسه حتى فى كتابتو
محطه الرمل والمنشيه وسيدى بشر كمان هههههههههههه


الاسمندرانى مهما اتغرب بيرجع يحن من تانى

ربنا يرجعك بالسلامه

همس الليل said...

vetrinary
*************
!!!!!!!!!!!!!!!
؟؟؟؟؟؟؟؟؟؟؟؟؟؟؟

safa7_karmooz said...

الله اسكندرية

يا سيدى

يمكن عشان اخر مرة لما رحت مع اصحابى

شفتها من منظور تانى ...ووقت تانى خالص ...غير بتاع كل مرة

شفت الشمس وهى مروحه بيتها وبتسلم عليا واقولها عهد عليا استناكى بكرة

وشفتها لما جت تانى وبتصبح عليا واقولها استنينك اهوة زى ما وعدتك

قعدت مع البحر احكيله ...واشكيله همومى ...سمعنى وهوا ساكت...معترضش على كلامى ...سابنى اتكلم ...زوضاع سرى ما بين امواجه

اييييييييييييييه

هنقول ايه ولا ايه بس ...:)

كفاية ان الواحد حس اللى انتى عاوزه تقوليه ..:)

Anonymous said...

ايه يا سيتي الجمال دة بجد

انا رحت اسكندرية اكتر من مرة
وبجد عشقي الاول
حبيتها اوي

وبجد سافرت في كلامك
وصف حاله جمييييييييييييييييلة اوووووووووووووي

el2ahwagi said...

إذهبى الى بحر احببتيه

بحر يضمك و يعشقك

و ارقصى على رماله رقصة حب و انتماء

فرماله تنتشى لدقة قدميك

و اغمضى عينيك أيتها السكندرية

فأنا أطل على المدينة الساحرة

من الشاطئ الآخر

سأضم المياه لأضمك

و أقطر نقاطا منها فى قهوتى

لأقبلك

فسكندرى أنا بت فى حبك

______________________

أشتقت أن أكتب اليك فجئتك

همس الليل said...

safa7_karmooz
****************
اسكندريه حلوه باحساس كل انسان بيحسها مش بس اهلها
اشكرك لاحساسك بما اعنيه

..............................
سمراء النيل
************
اهلا اهلا بالبنت السمرا اللى بقت مشغوله هههههههه
فينك وحشتينا والله
طيب ما دام اسكندريه حلوه كدا مش عايزه تيجى تزورينا شويه
حتى الجو رطوبه والشمس فيها اشعه فوق بنفسجيه تعالى خديلك شويه هههههههههههههه

لا بجد تعالى بئا ونورينا

همس الليل said...

el2ahwagi
*************
لم اعد اذهب بمفردى

فروحك تحلق فوق شاطئى ولا تتركنى وحدى

فسكندريتى دارى ودارك

فى صباحها شمسى تزين نهارك

وفى الليل نحاكى انجمنا وتسطع لى اقمارك
......................
اشتقت ان اقرء منك المزيد

Iskanderani said...

مساء الخير عليك وكل من يعشق هواء الاسكندرية؛

هي كده نحبها حتي لو لم يكن لها عودة بسبب الهجرة الابدية؛ نحبها ونحن لها ولكل مكان فيها وكما قلت رغم الكثير من السلبيات فيها ورؤيتها بعين المهاجر التي لا تخلو من المقارنة الصعبة والحتمية بحكم المعيشة في مجتمعات مختلفة وتمني الجمال لها وعودة جمالها مرة أخري..
احبها واحب القهوة فيها نشربها مظبوطة مملحة برذاذ البحر وجال شمسها ساعة الشروق عند الملاحات وجمال شمسها عند الغروب في البحر

تحيات إسكندراني في بلاد الله الواسعة

اسكندراني اوي said...

اه قولتيلي بقى
انت عامله بوست عن اسكندريه بس مش اي بوست
دا فرح ههههههههههههه

حنيجي ايه احنا جنب اللي انتي عملتيه دا
احنا لسه على قدنا في استخدام تكنولوجيا التدوين

بس بجد بوست حلو

لكي تحياتي

اسكندراني اوي said...
This comment has been removed by the author.