لمن يزايدون على مصر
.
.
.
يعنى مش كفايه الوكسه اللى احنا فيها
لاء كمان سابوا العالم اللى عماله تطحن وشاغلين بالهم بمصر
يضربوا سفارتنا فى كل حته ويشتمونا
طب لامؤاخذه الناس دى عملت ايه لفلسطين
طب عملت ايه فى ازمه غزه بالذات
والله انى اكتئبت من كتر الهم واحنا يا مصريين فينا اللى مكفينا من هموم
قالى انسان بثق فى كلامه اوىىىىى
وعندى ثقه ان عنده من الخبره والحكمه اكيد اكتر منى
قالى اللى فيها
رغم كدا قلت يمكن غلط
بس بجد طفح الكيل وحسيت فعلا ان العرب بتوع كلام
وغاويين يدوروا على شماعات يحطوا عليها عجزهم
ومقدروش على الحمار بيتشطروا على البردعه
اى بلد شافت ان فيها شنبات
وحاسين انهم رجاله اوى
وجم على سفارتنا يحدفوها بالطوب
طب ما تيجى تروح غزه
ما تيجى ترفع الظلم عن الناس اللى بتتقتل دى
اول حاجه تتقال.....
مش بادينا منقدرش
لكن مصر
المصرى لازم يتمرمط
المصرى يقف فى وش اسرائيل لوحده
المصرى شايل عار كل العرب ولازم يرفع عنهم العار
بيقولوا 77 مليون مصرى مش قادرين على اسرائيل
طيب
مستعدين نحاربوا احنا
واحنا فعلا خير جنود فى الارض
دا كلام نبينا ولا دا كمان هتزيدوا علينا فيه
طب احنا نحاربوا
وانتوا تدفعوا فلوس تمولوا الحرب دى
وتعيلوا نسائنا
وتقيموا اقتصادنا
ممممممممم
لالالالا
الا الدنانير
الا الدراهم
الا الريالات
الخليج اللى فلوسه كلها بره
الخليج اللى قاعدين فى المكيفات
الخليج اللى بيشرب ريد بول مشروب الطاقه
ويشترى بالمليارات فياجرا ويتجوز الحريم
بيار البترول اللى بتعوموا عليها تقدروا تمنعوا نقطه عن امريكا اللى بتسند اسرائيل عينى عينك
ليه سبنا غزه وقعدنا نقول الحق على مين
هو العرب دول ايه ربنا مسلط عليهم نفسهم
حماس وبمب العيد اللى عماله تضربه دا يعنى ايه نظامهم
مش ربنا قال واعدوا لهم ما استطعتم
ولا هييييييييييييييييه
يلا بينا يا جدع فرقع صواريخ ماركه امك فى العشه ولا طارت
حماس اللى منعت الحجاج يطلعوا يحجوا عشان ميعدوش من معبر رفح قال يعنى مستغنيين عن خدماتنا
صدوا الناس عن السبيل عشان زعلانين مع مصر
هيا دى حركه جهاد مسئوله
ايه يا عالم
يا عررررررررررررب
بدل ما تحطوا اديكوا فى ايد بعض
وتعملوا اقتصاد عربى
سوق عربيه مشتركه
كلنا نعلى مع بعض
ونقوى ببعض
فى حكايه واحنا عيال كانوا بيحكوهالنا
حكايه حمضت من كتر ما اتقالت
عصايه واحده تتكسر
لكن لو حزمه عصيان متتكسرش
طول ما كل عربى كل هموا احدث موبايل
البلوتوث وافلام الفضايح
سباقات العربيات
مسلسلات مهند ونور
ياكلوا زبادى اكتفيا ويقرمشوا شيتوس وريد بول بيعطيك جوانح
عمرنا ما نقول ليه بيحصل كدا للعرب
بتعايرونا بشوالين القمح اللى امريكا بترموهالنا وبتقولوا عملا عشان شويه قمح
حد فكر من العرب اللى بياكلوا فى أته محلوله ( الأته دى حاجه شبه الخيار مسخ يعنى ) ختى مكلناش الخيار طلعت أته
حد فكر يدى مصر قمح يديها عيش حااااااااف
أتقوا الله
وخافوا يوم ربنا يسأل كل واحد عملت ايه يقول كنت مضطر وكان ممنوع حكامنا منعتنا
طب فلوسك كمان الحكام اخدتها
النقابات فى مصر بتلم فلوس عشان غزه
والله الناس ما فى جيبها اكتر من 5 جنيه قوت يومها بياكلوا بيها عيله
لكن الناس طلعت ودفعت
انتوا عملتوا ايييييييييييه
عربيتين مساعدات من قطر
بعتتهم وعايزه تمنهم
عايزه اجتماع القمه العربيه عندها
طمعانه فى مكانه
والنبى اللى اخدته القرعه تدوه لأم الشعور
دا مثل معناه خدنا ايه احنا من وجود القمم عندنا طمعانين انتوا فيه
عربيتين زيهم من ليبيا
خلوهم يشتمونا ويكسورا سفارتنا
احنا بعتنا اكتر من العربيات دى مقولناش كلمه
وقدمنا مستشفيتنا بالاطباء بتوعنا
وطول عمرنا الفلسطنين عايشين معانا فى مصر عندنا زيهم زينا
كل دا مقولناش عايزين تمنه من حد
بلاش قله الاصل دى بئا عشان كل دا اسمه
قصر ديل يا أزعر
دول العرب
.
.
بسم الله الرحمن الرحيم
.إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ
صدق الله العظيم
2 comments:
اصلا مصر بالنسبة لهم ماهي الا برة حلوب و لكنهم لا يعلمون ان الضرع جف و ان معينها نضب و ان بقى به النذر اليسير فابناءها اولى به قطعا
و اللي راجل و حلو كدة ييجي يورينا نفسه اومال بدال الجعجعة الفاضية دي
اهلا سيدتى
عذرا انت نظرتى الى الموقف بزاوية ملتبسة
وهى اشبه بقول شاب قوى لمجموعة من الشباب ينظرون الى فتاة يتم اغتصابها امام اعينهم فعيروا الشاب القوى على صمته فقال لهم وانتم ايضا صامتون
فى زمن البلاء عليك ان تفعل بغض النظر عما يفعله الاخهرون او لا يفعلونه
سيدتى ان الدفاع عن دماء المسلمين فريضة ن الله احسبك لا تخالفيننى فيها
واذا كنت تستنكرين مهاجمة العرب لمصر ولسفاراتها فلماذا لم تنتبهى الى ان الحكومة الباسلة تمنع دخول شاحنات الغذاء الى الان ثم لما رأت اسرائيل بدات تفشل امام المجاهدين اذا بها تقدم مبادرة بتراء لاستنقاذ رفيقة دربها اسرائيل
ان مصر لا يمكن ان تتنصل من حجمها او تسكت بقى وتحرتم نفسها ومتقولش انها رائدة المنطقة وكلام فاضى
لماذا تغنت الحكومة باستشهاد الضابط على يد الفلسطينيين ولم تنبس ببنت شفة عندما قتل اليهود ثلاثة جنود
انها مؤامرة سيدتى لانتزاع المقاومة الاسلامية
ولا يغرنك القول بان مصر قدمت لفلسطين الكثير
فكل الحروب التى خضناها مع اليهود كانت لأن اليهود احتلوا ارضنا ولا دخل لفلسطين فبياليتنا نستقرأ التاريخ لنعلم اننا نحيا فى زمن العار
بالمناسبة والله انا مصرى حتى الثمالة واعشق مصر وارى ان وحدة المسلمين والعرب لن تاتى الا من مصر
ولكن هذا لا يمنع شعورى بالعار لانى احد رعية هؤلاء اللقطاء المسمون برجال الثورة ثورة العار
تحياتى لك متراسلات
...
نور الدين محمود
Post a Comment